Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala Wa-May

“Bantfu labanyenti basandza kukhumbula kufa kwaJesu. Wake watibuta yini kutsi kusizuzisa ngani kufa kwakhe. [Lindzela imphendvulo.] Mkhombise sihloko lesitsi “Imibuto YeliBhayibheli Iyaphendvulwa” lesiku-Sicongosekulindza sanga-May-June, bese nicoca ngekwatiswa lokungephasi kwembuto wekucala nifundze lokungenani munye umbhalo lokhonjiwe. Mnikete bomagazini, uhlele kubuya nitococa ngembuto lolandzelako.

Sicongosekulindza May-June

“Bantfu labanyenti bayatibuta kutsi kungani Nkulunkulu angatsatsi sinyatselo ngenca yekuphatfwa kabuhlungu kwebantfu nekungalungi lokugcwele emhlabeni. Ucabanga kutsi kungobe Nkulunkulu akanendzaba yini noma ukubona kukuhle kutsi bantfu bacindzeteleke? [Lindzela imphendvulo bese nifundza Johane 3:16.] Nanobe bantfu labanyenti balisebentisa lelivesi kute bakhombise kutsi Nkulunkulu unendzaba natsi kodvwa abaciniseki kutsi kufa kwendvodzana yakhe kubazuzisa njani. Lomagazini uchaza kutsi kufa kwaJesu kutasisita kanjani kutsi kuphele kuphatfwa kabuhlungu kwebantfu nekungalungi emhlabeni.”

Awake! May

“Sivakashela bantfu sikhashana nje kute sibasite bakhone kwehlisa lizinga lekucindzeteleka labanako. Nawubuka wena, bantfu bacindzeteleke kakhulu yini esikhatsini salamuhla kunakadzeni? [Lindzela imphendvulo.] Bantfu labanyenti batfole kutsi seluleko lesiseBhayibhelini siyabasita ekwehliseni lizinga lekucindzeteleka. Nasi nje sibonelo lesisodvwa. [Fundza Matewu 6:34.] Lomagazini uchaza indlela letingasisita ngayo timiso letiseBhayibhelini kute silwisane netintfo letine letivame kusibangela kucindzeteleka.”

Sicela unake: Bosomabhizinisi bangase bawujabulele kakhulu lomagazini.