Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-February

“Ngicela kuva umbono wakho ngalendzaba. Bantfu labanyenti bakholelwa kutsi bonkhe labalungile batawuya ezulwini. Wena ucabangani?” [Lindzela imphendvulo.] Mkhombise likhasi lelingemuva le-Sicongosekulindza sa-January-February bese nicoca ngekwatiswa lokungephansi kwembuto wesibili, nifundze lokungenani umbhalo munye lokhonjiwe. Mnikete labomagazini futsi uhlele kuphindze ubuye.

Sicongosekulindza January-February

“Sinivakashele sikhashana kute sitewucoca ngenkinga levamile. Ngaletinye tikhatsi nangabe batali bacoca nebantfwana labaseminyakeni yekutfomba bagcine sebaphikisana nabo. Ucabanga kutsi kubangelwa yini loko? [Lindzela imphendvulo.] LiBhayibheli litsi bantfwana nebantfu labadzala bacabanga ngendlela lengafani. [Fundza 1 Khorinte 13:11.] Sihloko lesisekhasini 8 kulomagazini siniketa batali seluleko lesilusito mayelana nekutsi bangakhulumisana njani nebantfwana labaseminyakeni yekutfomba kodvwa bangaphikisani.”

Phaphama! February

“Site lapha kuze sitewucoca ngenkinga levamile. Kubonakala shengatsi kuhlale kute sikhatsi lesenele sekwenta konkhe lokufanele sikwente. Ucabanga kutsi siba bete sikhatsi ngobe sinalokunyenti lokufanele sikwente yini nome kungobe sikhatsi setfu lesinyenti siyasimosha? [Lindzela imphendvulo.] Bantfu labanyenti abacapheli kutsi liBhayibheli liniketa seluleko lesisisita kutsi sisisebentise kahle sikhatsi setfu. Nasi sibonelo saloko. [Fundza Filiphi 1:10a.] Lomagazini uveta tindlela letine letisite bantfu labanyenti kutsi bakhone kusisebentisa ngekuhlakanipha sikhatsi sabo.”