Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-February

“Sicela kuva umbono wakho kulendzaba. Ucabanga kutsi kubalulekile yini kubita Nkulunkulu ngeligama? [Lindzela imphendvulo.] Naka naku lokushiwo lapha.” Mkhombise sihloko lesingemuva ku-Sicongosekulindza saJanuary-February bese nifundza sigaba sesibili nembhalo lokhonjiwe. Mhambisele lomagazini bese uhlela kubuyela.

Sicongosekulindza January–February

“Bantfu labanyenti bakholelwa kutsi emavi latsi “kubhubha kwemhlaba” asho kufa kwemuntfu. Wena ucabangani? [Lindzela imphendvulo.] LiBhayibheli liveta kutsi kubhubha kwemhlaba akusiko kufa kwemuntfu kodvwa kusho sikhatsi lapho Nkulunkulu atawususa khona bantfu lababi emhlabeni. [Fundza Tihlabelelo 37:9.] Lomagazini ukhuluma ngaloko lokushiwo liBhayibheli mayelana nekubhubha kwemhlaba.”

Phaphama! February

“Kuyintfo levamile lamuhla kutsi bantfu baye kulelinye live bayofuna emadlelo laluhlata. Ucabanga kutsi bavame kukutfola yini loko labakufunako? [Lindzela imphendvulo.] Kutfutsa kwebantfu baye kulelinye live akucali. Asewunake nasi sibonelo lesisencwadzini yekucala eBhayibhelini. [Fundza Genesisi 46:5, 6.] Lomagazini uphendvula nayi imibuto.” Khombisa lococa naye imibuto lesekugcineni kwesihloko sekucala lesisekhasini 6.