Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-June

“Wake wacabanga yini kutsi kubaluleke ngani kukhumbula kufa kwaJesu Khristu?” Lindzela imphendvulo. [Mkhombise umbuto wesibili losekhasini lelisekugcineni kwesi-Sicongosekulindza saMay-June.] Fundzani kanyekanye kwatiswa lokungephansi kwembuto wesibili kanye nalokungenani munye umbhalo lokhonjiwe. Mhambisele labomagazini, bese uhlela kuphindze ubuye.

Sicongosekulindza May-June

“Kulelive sihlaselwa tilingo letinyenti, yini lesingayenta kute sitibalekele? [Lindzela imphendvulo.] LiBhayibheli lichaza loko lokuncono kakhulu lesingakwenta nasibhekene nesilingo. [Fundza Taga 22:3.] Sihloko lesisekhasini 12 salomagazini siveta tinyatselo letintsatfu letingasisita kutsi sibalekele tilingo.”

Phaphama! June

“Tekuchumana nge-internet tente kwaba lula kutsi bantfu babe nebantfu labanyenti labababita ngebangani. Wena ungatsi ubonakala ngani umngani sibili? [Lindzela imphendvulo.] Asesibuke nasi seluleko lesilusito lesimayelana nebungani lesitfolakala eBhayibhelini. [Fundza Jakobe1:19.] Lomagazini uchaza timiso letine letingasisita kutsi sibe luhlobo lwebangani bantfu labangatsandza kuba nabo.”