Sibonelo Setinshumayelo Lesingatisebentisa

Indlela Yekucala Sifundvo SeliBhayibheli NgeMgcibelo Wekucala Ku-June

“Uke watibuta yini kutsi kungani Nkulunkulu avumela bubi nekuhlupheka? [Lindzela imphendvulo.] Ngingatsandza kukukhombisa lokutsite lokujabulisako ngalendzaba.” Fundzani ndzawonye kwatisa lokutfolakala esihlokwaneni sekucala ekhasini 12 ku-Sicongosekulindza sa-June 1 kanye namunye wemibhalo lecashuniwe. Hambisa bomagazini uphindze uhlele kubuyela kute uphendvule umbuto lolandzelako.

Sicongosekulindza June 1

Fundza Tihlabelelo 37:10, 11, bese utsi: “Ucabanga kutsi lesetsembiso sitawugcwaliseka masinyane yini? [Lindzela imphendvulo.] Lomagazini udzingidza tiphrofetho teliBhayibheli letisitfupha letigcwalisekako, letiveta kutsi lesetsembiso sitawugcwaliseka masinyane.”

Phaphama! June

“Buphekula sebuyinkinga yemhlaba wonkhe. Ucabanga kutsi bubangelwa yini? [Lindzela imphendvulo.] Lamavi lakulomBhalo asinika litsemba [Fundza Tihlabelelo 72:7, 14.] Lomagazini uchaza letinye tetizatfu tebuphekula futsi uveta loko lokushiwo liBhayibheli ngendlela kanye nesikhatsi lobutawuphela ngaso buphekula.”