Sibonelo Setinshumayelo Lesingatisebentisa

Indlela Yekucala Tifundvo TeliBhayibheli ngeMgcibelo wekucala ku-October

“Bantfu labanyenti bakholelwa kutsi ngalelinye lilanga batawehlulelwa ngetento tabo. Ucabanga kutsi kufanele sililangatelele yini lilanga lekwehlulela nobe kufanele silesabe? [Lindzela imphendvulo.] Asewunake naku lokushiwo lapha.” Niketa lococa naye Sicongosekulindza sa-October-December, bese nicoca naye ngekwatiswa lokusembutweni wekucala ekhasini 16 lokungenani nifundze nembhalo munye.Mhambisele lomagazini uphindze uhlele kubuya nitococa ngembuto lolandzelako.

Sicongosekulindza October–December

“Fundza Tihlabelelo 65:2 bese utsi: “Bantfu labanyenti bayavumelana nekutsi Nkulunkulu ‘uyayiva imithandazo’ futsi bathandaza onkhe malanga.” Labanye bayatibuta kutsi ‘Nangabe Nkulunkulu akhona, kungani emhlabeni kunetinkinga letingaka?’ Wena ucabangani? Nkulunkulu uyayiva yini imithandazo yetfu? [Lindzela imphendvulo.] Lomagazini usiniketa imphendvulo letfolakala eBhayibhelini yalombuto lotsi: ‘Yini indzaba umuvi wemithandazo avumela kuhlupheka?’”

Phaphama! October

“Batali labanyenti bafuna bantfwababo batfole imfundvo lencono. Kulesikhatsi salamuhla, ucabanga kutsi labasha labacedze sikolwa bakulungele yini kuhlangabetana netinsayeya tekuphila? [Lindzela imphendvulo.] Asewunake loko lokushiwo liBhayibheli ngekubaluleka kwekufuna lwati nekuhlakanipha. [Fundza Umshumayeli 7:12.] Lomagazini ukhuluma ngetindlela letisihlanu longasita ngato bantfwabakho kutsi baphumelele esikolweni.”