Umkhankaso Wekusakata Timemo TeSikhumbuto Utawucala Nga-March 22

Kulomnyaka umkhankaso wekumema labanye kute babe khona eSikhumbutweni, utawucala ngeMgcibelo, nga-March 22. Sikhutsatwa sonkhe kutsi sihlanganyele kulomkhankaso. Ngetimphelasontfo sitatihambisa nabomagazini nakuvuma simo. NgeMgcibelo wekucala ku-April, sitawuhambisa timemo kunekucela tifundvo teliBhayibheli kodvwa nangabe lesicoca naye anenshisekelo lenkhulu, singase setame kucalisa sifundvo seliBhayibheli. Umbonisi wemsebenti angancuma kutsi kutalisita yini libandla kuhambisa timemo lakuyaluka bantfu khona kute titfolwe bantfu labanyenti ensimini yalo. Lubhale nyalo luhla lwebantfu lofuna kubamema, lokufaka ekhatsi tihlobo, losebenta nabo, lofundza nabo esikolweni, lophindzela kubo kanye nalabanye lobetayele, bese ubanika timemo nakucala lomkhankaso. Setsemba kutsi bantfu labanyenti batawuba kanye natsi nasikhumbula tindlela letimbili letiyinhloko lesakhonjiswa ngato lutsandvo.—Joh. 3:16; 15:13.