Kungani Kufanele Sisheshe Sihambe?
Nasihlangene kuze siye ensimini, sisuke sikanye nebazalwane betfu futsi kuyatentakalela kutsi sifune kucoca. Nanobe kunjalo, nakuphela umhlangano wangembikwekuya ensimini, kufanele setame kusheshe sihambe siye ensimini lesitayisebenta. Umsebenti wetfu wekushumayela uyaphutfuma. (2 Thim. 4:2) Nasicitsa sikhatsi lesinyenti sicoca, sitawuba nesikhatsi lesincane ensimini. Sitawusitfola sikhatsi lesenele sekujabulela kucoca lokwakhako nebamemeteli lesihamba nabo ensimini. Nasihamba ngekushesha siye ensimini lesitayisebenta, sitawube sikhombisa kutsi sikhutsele njengobe sisebentela Jehova kanye neNdvodzana yakhe.—Rom. 12:11.