Tinshumayelo Letisibonelo

Sicongosekulindza July-August

“Sivakashela bomakhelwane betfu kute sive umbono wabo ngalombuto lotsi: Ucabanga kutsi kuphela kwalelive kusho kutsini? [Lindzela imphendvulo.] Naka kutsi liBhayibheli litsi yini letawenteka nakufika kuphela kwalelive. [Fundza Tihlabelelo 37:9.] LiBhayibheli likhombisa kutsi kuphela kwalelive kutawusho kucedvwa kwebantfu labenta lokubi, bese kutsi labo labatsandza Nkulunkulu bajabulele kuphila ngekuthula emhlabeni. Lomagazini uyenabisa kabanti lendzaba.”

Phaphama! August

“Sitjengisa bomakhelwane betfu nasi sihloko lesicoca ngemininingwane leminyenti kakhulu letfolakala etinhlayiyeni tetfu (cells). [Mtjengise likhasi lekucala lale-“Phaphama!”] Bantfu labanyenti bakholelwa ekutigucukeleni kwemvelo, kantsi labanye bakholelwa kutsi kuphila kwadalwa. Utsini umbono wakho kulendzaba? [Lindzela imphendvulo.] Lomagazini ucoca ngaloko lokutfolakele mayelana nekuba yinkimbinkimbi kwetinhlayiya, lokwente labanye bososayensi batibuta kutsi ukhona yini uMdali.”

Tindzaba Letimnandzi Letivela KuNkulunkulu

“Sivakashela imindeni lekhona lakulendzawo yakini kute sitewucocisana nani ngendzaba lekhutsatako leseBhayibhelini. Labanyenti lesesicoce nabo bayatibuta kutsi kungani Nkulunkulu lonelutsandvo avumele kuhlupheka lokungaka emhlabeni. Ucabanga kutsi kuhlupheka lesibhekana nako emhlabeni bekuyinjongo yaNkulunkulu yini?” Lindzela imphendvulo. Vula Sifundvo 5, nifundze tigaba letimbili tekucala kanye nemibhalo lebhalwe yatjekiswa bese nicoca ngako. Ngemuva kwaloko mnikete lencwajana.