Kubuketwa KweSikolwa Semsebenti WemaKhristu
Lemibuto lelandzelako itawudzingidvwa eSikolweni Semsebenti WemaKhristu ngeliviki lelicala ngaDecember 28, 2015. Lusuku lokutawudzingidvwa ngalo liphuzu ngalinye nalo lufakiwe kuze ucwaninge nawulungiselela sikolwa seliviki ngalinye.
Vele Davide wabaphatsa ngesibhuku yini bantfu lebekabatfumbile njengobe labanye basho basusela ku-1 Tikhronike 20:3? [Nov. 2, w05-ZU 2/15 likh. 27]
Yini leyenta Davide waba ngumuntfu lowephanako, futsi yini lengasisita kutsi simlingise? (1 Khr. 22:5) [Nov. 9, w05-ZU 10/1 likh. 11 sig. 7]
Davide bekasho kutsini kuSolomoni nakatsi: “Yenta Nkulunkulu weyihlo abe ligugu kuwe”? (1 Khr. 28:9) [Nov. 16, w10-ZU 11/1 likh. 30 tig. 3, 7]
Sicelo saSolomoni lesiku-2 Tikhronike 1:10 sisikhombisani ngaye, futsi yini lesingayifundza mayelana nekunakisisa imithandazo yetfu? (2 Khr. 1:11, 12) [Nov. 23, w05-ZU 12/1 likh. 19 sig. 6]
Ngekusho kwa-2 Tikhronike 6:29, 30 yini Jehova lakhona kuyenta lengakavami, futsi kungani singatfulula tifuba tetfu kuye ngemthandazo? (Hla. 55:22) [Nov. 30, w10-ZU 12/1 likh. 11 sig. 7]
Yini leyenta Asa wathandazela kuncoba libutfo lelikhulu labebhekene nalo, futsi singaciniseka ngani mayelana nekulwela libito laJehova? (2 Khr. 14:11) [Dec. 7, w12 8/15 likh. 8 sig. 6–likh. 9 sig. 1]
Indlela Jehova lasebentelana ngayo neNkhosi Jehoshafati isicinisekisa njani ngelutsandvo lwaNkulunkulu, futsi loko kufanele kusente sibatsatse njani labanye? (2 Khr. 19:3) [Dec. 14, w03-ZU 7/1 likh. 17 sig. 13; cl-ZU likh. 244 sig. 12]
Lamuhla, ‘singema njani etindzaweni tetfu’ siphindze ‘sime sicine,’ futsi leni? (2 Khr. 20:17) [Dec. 21, w05 12/1 likh. 21 sig. 2; w03-ZU 6/1 likh. 21 tig. 15-16]
Yini lebalulekile lekufanele siyikhumbule nasifundza 2 Tikhronike 21:20 mayelana nekufa kwaJehoramu? [Dec. 21, w98-ZU 11/15 likh. 32 sig. 4]
Ngekusho kwa-2 Tikhronike 26:5, ngubani lowakhutsata Uziya losemusha kutsi ente lokuhle, futsi labasha lamuhla bangasitakala njani kumaKhristu lavutsiwe ebandleni? [Dec. 28, w07-ZU 12/15 likh. 10 tig. 2, 4]