TIMISELE EMSEBENTINI WEKUSHUMAYELA
Kutfutfukisa Emakhono Etfu Emsebentini Wekushumayela—Kwakha Inshumayelo Yakho Yamagazini
KUBALULEKE NGANI?: Nanobe tinshumayelo letisibonelo letivela kulencwajana yekubhalela tisisita, timane titibonelo nje. Kufanele usebentise akho emagama. Letinshumayelo ungatibeka ngalenye indlela nobe ukhetse lesinye sihloko lobona shengatsi singabatsintsa bantfu labasensimini yelibandla. Ngemuva kwekufundza lomagazini, sewucabangile ngaletinshumayelo letisibonelo, futsi sewuyibukele ne-video yaletinshumayelo, ungasebentisa naku lokulandzelako kute utakhele yakho inshumayelo.
INDLELA YEKUKWENTA:
Tibute: ‘Ngiyafuna yini kusebentisa inshumayelo lesibonelo?’
YEBO
Cabanga ngendlela wena lotatetfula ngayo kanye nendlela lotawuchaza ngayo kutsi ute ngani. (Sibonelo: “Ngite lana ngobe . . . ”)
Cabanga kutsi ngemuva kwekubuta umbuto, utawufaka njani umbhalo, kanye nencwadzi lotayishiya. (Sibonelo: Kute ufake umbhalo, ungatsi: “Imphendvulo leyenetisako yalombuto ikhona laBhayi bhelini.”)
CHA
Khetsa sihloko lesikulomagazini lositsandzako nalesitawutsintsa bantfu labasensimini yelibandla
Khetsa umbuto lotakwenta lococa naye acabange kodvwa kungabi ngumbuto lomatima. (Sibonelo: Ungabuta imibuto lefana nalesekhasini 2.)
Khetsa umbhalo lotawufundza. (Nangabe ukhetse incwadzi lelungiselelwe kusebenta ensimini, kutawuya ngawe kutsi uyafuna yini kufundza umbhalo njengobe tincwadzi letinjalo tilungiselelwe bantfu labangayetsembi inkholo nobe labanelwati loluncane ngeliBhayibheli.)
Bhala umusho munye noma mibili lechaza kutsi lococe naye kungamsita ngani kufundza leso sihloko
KUNOME NGUKUPHI
Lungiselela umbuto lotawuphendvula nawubuyela
Bhala phansi kute ukhumbule loko lotakusho nawubuyela