Indlela Yekusebentisa Tinconciswano Letisibonelo

Kusukela nga-January 2018, tincociswano letisibonelo betisolo tivela ekhasini lelisekucaleni leNcwajana Yekubhalela Emhlanganweni Wekuphila KwemaKhristu Nemsebenti Wawo. Tingasetjentiswa kanjani?

Nawunesabelo Etinkhulumeni Tebafundzi: Kufanele usebentise umbuto, umbhalo kanye nesisekelo sekubuyela lesikulencociswano lesibonelo. Nobe kunjalo, loko akusho kutsi sekufanele usebentise emavi lakuletincociswano njengobe anjalo. Ungasebentisa letinye tindlela, usebentise lesinye setfulo, umcondvo lowehlukile, nobe lenye indlela. Ungahle usebentise incwadzi lesemaThulusini Etfu Ekufundzisa, ngisho nobe loko kungakavetwa eticondzisweni tenkhulumo yakho.

Nawusensimini: Tincociswano letisibonelo tentelwe kutsi tisinikete umcondvo waloko lesingakwenta. Nangabe umuntfu akhombisa kutsi uyatsandza kufundza futsi ufuna kuva lokunyenti, ungachubeka ucoca naye, mhlawumbe usebentisa loko lokukuletincociswano letisibonelo tekubuyela kumuntfu lesicoce naye. Ungayishintja lencociswano lesibonelo nobe wente lokwehluke kakhulu kuyo. Sihloko sasenyangeni leyendlulile nobe umbhalo lowehlukile kulowo losetincociswaneni letisibonelo kubakhanga kakhulu yini bantfu labasensimini lokuyo? Bantfu basendzaweni lohlala kuyo bayatsandza yini kukhuluma ngetindzaba letisematseni nobe kukhuluma ngetintfo letenteka endzaweni lohlala kuyo? Nobe ngabe ukhetsa kusebentisa tincociswano letisibonelo, kodvwa umgomo wakho kufanele ube kwenta “tonkhe tintfo ngenca yetindzaba letimnandzi, khona ngitewutihlanganyela nalabanye.”—1Ko 9:22, 23.