Indlela Yekusebentisa Tincociswano Letisibonelo

Bazalwane basebenta ngekutimisela kuze balungiselele tincociswano letisibonelo, futsi bamemeteli labanyenti batibone tiphumelela ensimini labakuyo. Nobe kunjalo, njengobe timo tingafani etindzaweni letehlukahlukene, bamemeteli bangayisebentisa indlela leyehlukile nabasensimini nobe bakhulume ngesihloko lesehlukile lesitawukhanga bantfu bendzawo. Bonkhe kufanele balandzele ticondziso nakunemkhankaso lokhetsekile. Umgomo wetfu ukufeza umyalo waJesu wekushumayela tindzaba letimnandzi teMbuso.—Mat 24:14.

Nabenta tabelo tebafundzi, bamemeteli kufanele bacoce ngesihloko sencociswano lesibonelo lesiseNcwajaneni Yekubhalela Emihlanganweni. Nobe kunjalo, bakhululekile kusebentisa umbuto lowehlukile, umbhalo nobe sisekelo sekubuyela lesitawuphumelela ensimini labakuyo, ngaphandle nangabe kunesicondziso lesitsite. Loku kushintja lesicondziso lesivela ekhasini 8 sencwajana yekubhalela yaJune 2020.