Tibusiso Letitfolwa Ngulabo Labasita Labeswele

Bantfu labanyenti emhlabeni bahlale banesidzingo sekudla nendzawo yekuhlala. Labanye badzinga nje sicinisekiso ngelikusasa. Singasitfola njani sibusiso saNkulunkulu nasenta imetamo yekubasita?

LOKUSHIWO YIMIBHALO LENGCWELE

“Lowo lopha lomphofu uboleka [Jehova]; [Jehova] uyakumvuza ngaloko lakwentile.”—TAGA 19:17.

LOKUSHIWO KUSITA LABESWELE

Jesu wacoca indzaba yendvodza leyahlaselwa tigebengu tayishiya seyitakufa. (Lukha 10:29-37) Umuntfu lobekangesiye waleyondzawo wema wayisita lendvodza lebeyilimele kakhulu. Lendvodza yamsita lomuntfu labelimele ngisho noma abewesive lesehlukile.

Lendvodza lelungile ayizange isite lomuntfu lolimele ngekumniketa lusito lwekucala netintfo latidzingako nje kuphela, kodvwa yaphindze yamletsela indvudvuto, yamsita nakuloko bekumkhatsata.

Yini lesiyifundzako kulendzaba? Jesu bekakhombisa kutsi kufanele sisite labo labeswele nganobe nguyiphi indlela lesingakhona ngayo. (Taga 14:31) ImiBhalo Lengcwele ifundzisa kutsi madvutane Nkulunkulu utawucedza buphuya nekuhlupheka. Kodvwa singahle sitibute kutsi Nkulunkulu loku utakwenta nini futsi kanjani? Lesihloko lesilandzelako sitawucoca ngetibusiso uMdali wakho lonelutsandvo lakubekele tona.