KUPHILA KWEMAKHRISTU
Ngingaba Nini Lihlahlandlela Lelisitako?
Umbono waHezekeli welithempeli uveta kutsi bantfu baJehova bebatatinikela ngekutitsandzela. Singawunikela njani umhlatjelo wekudvumisa?—Heb 13:15, 16.
Loku singakwenta ngekutsi sibe ngemahlahlandlela lasitako. Umnyaka wemsebenti wa-2018 unetinyanga letimbalwa letinetimphelasontfo letisihlanu. Loku kungabazuzisa labo labasebenta onkhe malanga futsi labatfola sikhatsi sekushumayela ngetimphelasontfo. Ngetulu kwaloko, bamemeteli bangakhetsa kusebenta ema-awa langu-30 nobe langu-50 ngenyanga yangaMarch na-April kanye nangeliviki lelikhetsekile.
Singenta njani nangabe singeke sikhone kuba ngemahlahlandlela lasitako? Singetama kutfutfukisa emakhono etfu emsebentini wekushumayela futsi sibe nesikhatsi lesinyenti sishumayela. Ngetulu kwanome ngutiphi timo lesibhekana nato, shengatsi lutsandvo lwetfu ngaJehova lungasenta sitimisele emsebentini wekushumayela kulomnyaka wemsebenti wa-2018.—Ho 14:2.
Ngingamlingisa njani Sabina Hernández?
BUKELANI I-VIDEO LETSI NGELUSITO LWAJEHOVA NGINGENTA NOBE YINI, BESE NIPHENDVULA LEMIBUTO LELANDZELAKO:
Yini leyenta Sabina atimisele emsebentini wekushumayela?
Sibonelo saSabina sikukhutsata njani?
Kulomnyaka wemsebenti wa-2018, nguyiphi inyanga nobe tinyanga longaba ngato lihlahlandlela lelisitako?