Shumayela Tindzaba Letimnandzi Tekutsi Live Lelincono Selisedvute!

NgaNovember, sitawenta umetamo lokhetsekile wekushumayela tindzaba letimnandzi tekutsi live lelincono selisedvute. (Hl 37:10, 11; Sem 21:3-5) Hlela timo takho kute uhlanganyele ngalokugcwele kulomkhankaso. Nangabe uncuma kuba lihlahlandlela lelisitako ngaleyo nyanga, ungakhetsa kusebenta ema-awa langu-30 nobe langu-50.

Kulungele kufundzela bantfu labanyenti umbhalo lomayelana nelive lelisha. Nawukhetsa umBhalo lotawufundza, cabanga ngaloko lokutawukhanga bantfu labasensimini lokuyo. Nangabe umuntfu akujabulela kufundza nawucoca naye kwekucala, mnikete Sicongosekulindza No. 2 2021. Nakakujabulela kufundza yetama kuphindze ubuyele kuye ngekushesha futsi wetame kucalisa sifundvo seliBhayibheli usebentisa incwajana letsi Jabulela Kuphila Kuze Kube Phakadze! Kutawujabulisa kakhulu kuhlanganyela ngalokugcwele ekumemeteleni “tindzaba letimnandzi talokutsite lokuncono”!—Isa 52:7.

BUKELA I-VIDEO YENGOMA LECANJIWE LETSI EVENI LELISHA, BESE NIPHENDVULA LEMIBUTO LELANDZELAKO:

• Nguliphi likusasa lelijabulisako lelibonwa ngulentfombatanyana ngeliso lakhe lengcondvo?

• Ngutiphi tintfo lolangatelela kutibona eveni lelisha?

• Kuzindla ngelitsemba lonalo kutakusita njani kutsi uhlanganyele ngalokugcwele kulomkhankaso waNovember?—Luk 6:45