Tikhombo Tencwajana Yekubhalela Emhlanganweni Wekuphila KwemaKhristu Nemsebenti Wawo
© 2024 Watch Tower Bible and Tract Society of Pennsylvania
SEPTEMBER 2-8
UMCEBO LOSEVINI LANKULUNKULU | TIHLABELELO 79-81
Tsandza Libito LaJehova Lelikhatimulako
Umhlatjelo ‘Sipho Lesihle’ Lesisiphiwe NguBabe
5 Singakhombisa njani kutsi siyalitsandza libito laJehova? Singakhombisa ngendlela lesitiphatsa ngayo. Jehova ufuna sibe ngcwele. (Fundza 1 Phetro 1:15, 16.) Loku kusho kutsi kufanele sikhonte Jehova kuphela futsi silalele imiyalo yakhe ngenhlitiyo yonkhe. Ngisho nome sishushiswa, senta konkhe lokusemandleni etfu kutsi siphile ngekuvumelana netimiso takhe letilungile kanye nemitsetfo yakhe. Nangabe senta tento letilungile, sisuke sivumela kukhanya kwetfu kubonakale kubantfu futsi loko kuletsa ludvumo egameni laJehova. (Mat. 5:14-16) Njengebantfu labangcwele, nangabe siphila ngetimiso taNkulunkulu, sisuke sikhombisa kutsi imitsetfo yaJehova ilungile kodvwa tinsolo taSathane tingemanga. Nangabe senta emaphutsa, sivele siphendvuke ngebucotfo futsi sishiye yonkhe imikhumba lengamjabulisi Jehova.—Hla. 79:9.
ijwbv-ZU 3 ¶4-5
Roma 10:13—“Biza Igama LeNkosi”
EBhayibhelini, inkulumo ethi “biza igama likaJehova” isho okungaphezu nje kokwazi igama likaNkulunkulu nokulisebenzisa lapho umkhonza. (IHubo 116:12-14) Isho nokuthembela kuNkulunkulu nokucela usizo kuye.—IHubo 20:7; 99:6.
Igama likaNkulunkulu lalibalulekile kuJesu Kristu. Amazwi akhe okuqala emthandazweni wakhe oyisibonelo ayethi: “Baba wethu osemazulwini, malingcweliswe igama lakho.” (Mathewu 6:9) UJesu wabonisa nokuthi ukuze sithole ukuphila okuphakade kumelwe simazi, simlalele futhi simthande uMnikazi walelo gama.—Johane 17:3, 6, 26.
Kufunisisa Umcebo EVini LaNkulunkulu
it-2-E 111
Josefa
Ligama LaJosefa Liniketwa Sigaba Lesisetulu. Njengobe Josefa bekasesikhundleni lesisetulu emkhatsini wemadvodzana aJakobe, bekufaneleka kutsi ngaletinye tikhatsi ligama lakhe lisetjentiswe kuze limelele tonkhe tive taka-Israyeli (Hl 80:1) nobe letive lebetakha umbuso wasenyakatfo. (Hl 78:67; Am 5:6, 15; 6:6) Ligama laJosefa liyavela nasetiphrofethweni teliBhayibheli. Embonweni losiphrofetho waHezekeli, lifa laJosefa laba tindzawo letimbili (Hez 47:13), linye lalamagede elidolobha lebelibitwa ngekutsi “Jehova uLapho” belilaJosefa (Hez 48:32, 35), futsi ngesikhatsi kukhulunywa ngekuhlanganiswa kwebantfu baJehova kutsi babe munye, Josefa uvetwa njengendvuna yalesinye sive kantsi Juda uvetwa njengendvuna yalelesinye sive. (Hez 37:15-26) Siphrofetho sa-Obadiya siveta kutsi “bantfwana baJosefa” bebatawubhujiswa bakanye ‘nebantfwana ba-Esawu’ (Oba 18), futsi siphrofetho saZakhariya saveta kutsi Jehova bekatawusindzisa “bantfwana baJosefa.” (Zak 10:6) Kuletive letakha Israyeli waNkulunkulu, naJosefa ungulesinye sato esikhundleni sa-Efrayimu.—Sem 7:8.
Sembulo 7:8 sibala Josefa eluhlwini lwetive temadvodzana a-Israyeli, lokusitjela kutsi siphrofetho Jakobe lasisho nasekatokufa besitosebenta ku-Israyeli waNkulunkulu. It is noteworthy, therefore, that the Powerful One of Jacob, Jehovah God, provided Christ Jesus as the Fine Shepherd who laid down his life for “the sheep.” (Joh 10:11-16) Christ Jesus is also the foundation cornerstone upon which God’s temple composed of spiritual Israelites rests. (Efe 2:20-22; 1Ph 2:4-6) And this Shepherd and Stone is with the Almighty God.—Joh 1:1-3; Imi 7:56; Heb 10:12; catsanisa Gen 49:24, 25.
SEPTEMBER 9-15
UMCEBO LOSEVINI LANKULUNKULU | TIHLABELELO 82-84
Jabula Ngemisebenti Loyentela Jehova
Yini Lesingayifundza Nasibukisisa Tinyoni Telizulu?
Takhamuti taseJerusalema betibetayele boncedze, labebavame kwakha tidleke tabo ngephansi kweluphahla lwetindlu. Labanye bebakha tidleke tabo ethempelini lebelakhiwe nguSolomoni. Kungenteka laboncedze labebakhe tidleke tabo kulelithempeli bebalitfola liyindzawo lephephile yekukhulisa emazini abo.
Umbhali weTihlabelelo 84 lokungulenye yemadvodzana aKhora lebeyikhonta ethempelini kanye ngeliviki etinyangeni letisitfupha, yatibona letidleke kulelithempeli. Lendvodzana beyikulangatelela kuhlala endlini yaJehova njengalaboncedze, yaze yababata yatsi: “Maye, iyatsandzeka indlu yakho! Simakadze wemabandla! Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako. Ncedze uyayitfola indzawo yesidleke, nenkonjane iyayitfola indzawo yekwakhela indlu yayo, lapho ingachobosela khona emazini ayo. Lendzawo ingasemalatini endlu yakho, Simakadze wemabandla, Nkhosi yami, naNkulunkulu wami.” (Tihlabelelo 84:1-3) Siyakulangatelela yini kuhlangana nebantfu baNkulunkulu sikanye nebantfwana betfu futsi sikhombise kubonga ngako?—Tihlabelelo 26:8, 12.
w08-ZU 7/15 30 ¶3-4
Zibekele Imigomo Efinyelelekayo, Ujabule
Ukuhamba kweminyaka noma ukuwohloka kwempilo, kungakulinganisela ngandlela-thile lokho esikwazi ukukwenza enkonzweni kaJehova. Uma ungumzali, ungase ube nomuzwa wokuthi akungakanani okuzuzayo esifundweni sakho somuntu siqu noma emihlanganweni yobuKristu ngoba abantabakho badla isikhathi sakho esiningi namandla. Nokho, kungenzeka yini ukuthi ngezinye izikhathi ukugxila kulokho okukulinganiselayo yikho okukuvimbela ukuba ubone lokho osengakwazi ukukwenza?
Ezinkulungwaneni zeminyaka edlule, umLevi othile wazwakalisa isifiso ayengenakukwazi ukusanelisa. Wayenelungelo lokukhonza ethempelini amasonto amabili ngonyaka. Nokho, wazwakalisa isifiso esincomekayo sokuhlala phakade ngase-altare. (IHu. 84:1-3) Yini eyasiza le ndoda ethembekile ukuba yaneliseke? Yaqaphela ukuthi ukuba semagcekeni ethempeli ngisho nosuku olulodwa kwakuyilungelo eliyingqayizivele. (IHu. 84:4, 5, 10) Ngendlela efanayo, kunokuba sigxile kulokho okusilinganiselayo, kufanele sizame ukuthola nokwazisa izinto esikwaziyo ukuzenza.
Uligugu KuJehova LonguNkulunkulu Wakho!
12 Nangabe ugula, ciniseka kutsi Jehova uyakwati lobhekene nako. Mncenge kutsi akusite kuze ube nembono lokahle ngaloko lokwentekako kuwe. Fundza liBhayibheli kuze utfole umlayeto lodvudvutako Jehova lawubhale kulo. Naka kakhulu emavesi lakhombisa kutsi tinceku taJehova tiligugu kakhulu kuye. Nawenta njalo, utawubona kutsi Jehova unemusa kubo bonkhe labo labamkhonta ngekwetsembeka.—Hla. 84:11.
Kufunisisa Umcebo EVini LaNkulunkulu
it-1-E 816
Intsandzane
Ngenca yekutsi bekumelula kungabanaki labo labangenabani longabasita, Jehova wasebentisa ligama lelitsi “intsandzane” kuze achaze indlela ema-Israyeli lebesekamhlubuke ngayo. Ngesikhatsi ema-Israyeli anebuhlobo lobuhle naJehova, intsandzana beyinakekeleka. Ema-Israyeli nasekete buhlobo lobuhle naNkulunkulu futsi sekute nekulunga, bekubonakala ngekutsi intsandzane ingasanakwa. (Hl 82:3; 94:6; Isa 1:17, 23; Jer 7:5-7; 22:3; Hez 22:7; Zak 7:9-11; Mal 3:5) Jehova bekabacalekisa labo labangayiphatsi kahle intsandzane. (Dut 27:19; Isa 10:1, 2) Jehova utichaza njengeMvikeli (Tag 23:10, 11), uMsiti (Hl 10:14), kanye naBabe (Hl 68:5) wetintsandzane. Nguye lotiphatsa kahle tintsandzane (Dut 10:17, 18), atentele umusa (Hos 14:3), atinakekele (Hl 146:9), futsi alondvolote nekuphila kwato.—Jer 49:11.
EmaKhristu eliciniso abonakala ngekutsi abanakekele labo labashonelwe ngulabashade nabo nobe labashonelwe batali babo. Jakobe wabhalela emaKhristu watsi: “Kukhonta lokuhlantekile nalokungakangcoli embikwaNkulunkulu longuBabe wetfu nguloku: Kunakekela tintsandzane nebafelokati elusizini lwabo, nekutsi umuntfu atigcine ete libala eveni.”—Jak 1:27.
SEPTEMBER 16-22
UMCEBO LOSEVINI LANKULUNKULU | TIHLABELELO 85-87
Umthantazo Usisita Kutsi Sicinisele
Kuyabonakala Yini Kukhatimula KwaJehova Kuwe?
10 Kute sivete inkhatimulo yaNkulunkulu, kudzingeka ‘sicinisele njalo emthandazweni.’ (Rom. 12:12) Kufanele sithandazele kutsi Jehova asisite sikhone kumkhonta ngendlela layemukelako. Singamcela kutsi asiphe umoya longcwele, akhulise kukholwa kwetfu, asiphe emandla ekulwisana netilingo kanye newelikhono ‘lekuphakela kahle livi leliciniso.’ (2 Thim. 2:15; Mat. 6:13; Luk. 11:13; 17:5) Natsi sidzinga kwetsembela kuBabe wetfu wasezulwini, Jehova, njengobe nje nemntfwana etsembela kubabe wakhe. Nangabe simcela kutsi asisite kute simkhonte kakhudlwana, singaciniseka kutsi utasisita. Shengatsi singete sacabanga kutsi siyamhlupha. Esikhundleni saloko, emithandazweni yetfu kufanele simdvumise, simbonge, sicele sicondziso sakhe ikakhulukati nasishushiswa, simcele nekutsi asisite simkhonte ngendlela letawudvumisa libito lakhe lelingcwele.—Hla. 86:12; Jak. 1:5-7.
Indlela Jehova Laphendvula Ngayo Imithantazo Yetfu
17 Fundza Tihlabelelo 86:6, 7. Umhlabeleli Davide bekaciniseka kutsi Jehova uyayiva imithantazo yakhe futsi ayiphendvule. Nawe ungaciniseka. Letibonelo lesesicoce ngato kulesihloko tisicinisekisa ngekutsi Jehova angasiniketa kuhlakanipha kanye nemandla lesiwadzingako kute sicinisele. Angasebentisa bazalwane betfu nabodzadze nobe labo labasengakamkhonti kutsi basisite.
18 Nanobe Jehova angeke ahlale aphendvula imithantazo yetfu ngendlela lesilindzele ngayo, siyati kutsi utayiphendvula. Utasiniketa loko lesikudzingako nangesikhatsi lesikudzinge ngaso. Ngako chubeka uthantaza futsi wetsembe kutsi Jehova utakuva, uciniseke kutsi utakunakekela nyalo, nangekutsi ‘utawunika tonkhe tintfo letiphilako loko letikufisako’ eveni lelisha.—Hla. 145:16.
Kufunisisa Umcebo EVini LaNkulunkulu
it-1-E 1058 ¶5
Inhlitiyo
Kukhonta “Ngenhlitiyo Lephelele.” Inhlitiyo mbamba kufanele iphelele kuze isebente kahle, kodvwa inhlitiyo lengumfanekiso ingahlukana ekhatsi. Davide wathantaza: “Ngente ngesabe libito lakho ngenhlitiyo yami yonkhe,” lokukhombisa kutsi inhlitiyo yemuntfu ingahlukana ekhatsi kuye ngemiva nekwesaba. (Hl 86:11) Umuntfu lonjalo angaba nenhlitiyo “lehlukene ekhatsi”—nalote sifiso sekukhonta Nkulunkulu. (Hl 119:113; Sem 3:16) Umuntfu angaphindze abe “nenhlitiyo lemphacambili” (lokusho, kuba netinhlitiyo letimbili), azame kukhonta emakhosi lamabili, nobe ngekutikhohlisa asho intfo letsite abe acabanga lenye. (1Tk 12:33; Hl 12:2, umbhalo longentasi) Jesu wakulahla kuba nenhlitiyo lemphacambili.—Mat 15:7, 8.
SEPTEMBER 23-29
UMCEBO LOSEVINI LANKULUNKULU | TIHLABELELO 88-89
Kubusa KwaJehova Kuncono Kakhulu
Sekela Bukhosi BaJehova
5 Kunalesinye sizatfu lesenta Jehova kube nguye umbusi lofanele. Lilungelo lakhe lekubusa ulisebentisa kahle. Jehova utsi: “NginguSimakadze lophatsana ngemusa, ehlulele ngekwemtsetfocotfo, abuse nangekulunga emhlabeni, ngobe ngiyajabula-ke kuloko.” (Jer. 9:24) Akayisebentisi imitsetfo lebhalwe bantfu labanesono kute ancume kutsi ngukuphi lokukahle nalokulungile. Ngesizatfu sekutsi kulunga kubuntfu bakhe, unike bantfu imitsetfo lebhalwe eBhayibhelini. LiBhayibheli litsi: “Kulunga nebucotfo tisekelo tesihlalo sakho sebukhosi.” Ngako-ke, singaciniseka kutsi yonkhe imitsetfo yakhe, netimiso, kanye netincumo takhe tilungile. (Hla. 89:14; 119:128) Ngalokwehlukile kuloku, nanobe Sathane atsi kubusa kwaJehova akukalungi, kodvwa wehlulekile kwenta umhlaba ube yindzawo lenekulunga.
Sekela Bukhosi BaJehova
10 Indlela yaJehova yekubusa ayicindzeteli futsi ayikacini kakhulu. Ivumela kutsi bantfu bakhululeke futsi bajabule. (2 Khor. 3:17) Davide wakuveta ngalendlela loku, watsi: “Ludvumo nebukhosi kusembikwakhe, emandla nenjabulo kusendlini yakhe lengcwele.” (1 Khr. 16:7, 27) Ngendlela lefanako umhlabeleli Ethani watsi: “Sibusisiwe sive lesati kahle kutsi kuyini kumpompoloza ngenjabulo, sihambe ekukhanyeni kwebuso bakho. Lesive sijabula njalo nje egameni lakho, siphakanyiswe ngenca yekulunga kwakho.”—Hla. 89:15, 16.
11 Kuhlala sizindla ngekulunga kwaJehova kungasenta siciniseke kutsi kubusa kwakhe ngiko lokuncono kakhulu. Sitawutiva njengemhlabeleli lowatsi: “Lilanga linye etibuyeni tendlu yakho, lincono kunalayinkhulungwane lacitselwe ngaphandle.” (Hla. 84:10) Kungenteka njani loku? Njengemsunguli wekuphila kanye neMdali, Jehova uyakwati lesikudzingako kute sijabule futsi leso sidzingo usigcwalisa ngendlela leyenetisako. Nobe ngabe yini lalindzele kutsi siyente izuzisa tsine. Letinzuzo tihlala tikhona ngisho nalapho loko lakufunako kudzinga kutsi sitidzele nasikwenta.—Fundza Isaya 48:17.
Bani Nekukholwa Lokucinile EMbusweni
14 Cabanga ngaloko Jehova lakwetsembisa iNkhosi Davide yaka-Israyeli wasendvulo. Wenta setsembiso lokutsiwa sivumelwane lesentiwa naDavide. (Fundza 2 Samuweli 7:12, 16.) Jehova wenta lesivumelwane naDavide ngesikhatsi abusa eJerusalema, futsi wametsembisa kutsi Mesiya abetawuba yintalelwane yakhe. (Luk. 1:30-33) Ngaleyo ndlela, Jehova washo imininingwane lecacile mayelana neluhla lwekutalwa kwalentalo futsi watsi indlalifa yaDavide beyitawuba nelilungelo ‘lokungelayo sibili’ lekuba yinkhosi yeMbuso lobuswa nguMesiya. (Hez. 21:25-27) NgaJesu, bukhosi baDavide ‘butawumiswa siphelane.’ Ecinisweni, intalo yaDavide ‘iyawuma kuze kube phakadze, nesihlalo sayo sebukhosi . . . siyawuma njengelilanga.’ (Hla. 89:34-37) Kubusa kwaMesiya ngeke kuze kukhohlakale futsi tintfo letitawufezwa ngiko titawuhlala phakadze!
Kufunisisa Umcebo EVini LaNkulunkulu
cl-ZU 281 ¶4-5
“Wena Wedwa [Uqotho]”
4 Igama elithi “ubuqotho” njengoba lisetshenziswe emiBhalweni YesiHebheru lisho umusa ozinamathelisa ngothando entweni ethile futhi ungasuki kuze kube yilapho usuyifezile injongo yawo ngaleyo nto. Buhilela okungaphezu kokwethembeka. Phela umuntu angathembeka ngoba nje kufanele. Kanti ubuqotho bona busekelwe othandweni. Okunye futhi, igama elithi “-thembekile” lingasebenza nasezintweni ezingaphili. Ngokwesibonelo, umhubi wabiza inyanga ngokuthi ‘ufakazi othembekile esibhakabhakeni’ ngenxa yokuthi iba khona njalo ebusuku. (IHubo 89:37) Kodwa inyanga ngeke kushiwo ukuthi iqotho. Ngani? Ngoba ubuqotho buyindlela yokubonisa uthando—okuyinto izinto ezingaphili ezingenakuyibonisa.
5 Ngomqondo elisetshenziswe ngawo emiBhalweni, igama elithi ubuqotho libonisa imizwelo. Indlela elisebenza ngayo ibonisa ukuthi kunobuhlobo obuthile phakathi komuntu obonisa le mfanelo nalowo eboniswa kuye. Ubuqotho obunjalo abuguquguquki. Abufani namagagasi olwandle apheshulwa imimoya. Kunalokho, ubuqotho, noma uthando oluqotho, buqinile futhi bunamandla okunqoba izithiyo ezinkulu kakhulu.
SEPTEMBER 30–OCTOBER 6
UMCEBO LOSEVINI LANKULUNKULU | TIHLABELELO 90-91
Tsembela KuJehova Kuze Uphile Sikhatsi Lesidze
Kufuna Imphilo Lendze
Bososayensi labanyenti batsi nanobe titinyenti tintfo tekwelapha letivimba kuguga, kodvwa bantfu angeke bakhone kuphila sikhatsi lesidze kunalesi labasiphila nyalo. Kuyavunywa kutsi iminyaka yekuphila yebantfu yengetekile kusukela ngeminyaka yabo-1900. Loku kungenca yekutsi bantfu batigcina bahlobile, basebentisa imitsi lebavikela ekuguleni, kanye naleminye leyelapha kugula lokunyenti. Labanye bososayensi betakhi telufuto bakholelwa kutsi iminyaka yebantfu yekuphila seyifike lapho ingeke isangeteka khona.
Eminyakeni lengu-3 500 leyendlulile, umbhali weliBhayibheli, Mosi watsi: “Iminyaka yekuphila kwetfu ingiminyaka lengemashumi lasikhombisa, nangabe sisacinile iba ngiminyaka lengemashumi lasiphohlongo; noko linyenti laleyo minyaka seliphetse kuhlupheka nelusizi. Kuphila kwetfu kwendlula ngekushesha, yebo, siyandiza sihambe.” (Tihlabelelo 90:10) Ngetulu kwemetamo yebantfu yekwengeta iminyaka yabo yekuphila, kuphila kuchubeke kwaba njengobe Mosi akuchaza.
Kuphila kwebantfu kufishane nakucatsaniswa nekwetilwane letifana ne-red sea urchin noma i-quahog clam, letingaphila iminyaka lengetulu kwa-200. Kantsi tihlahla letifana ne-giant sequoia tona tingaphila tinkhulungwane teminyaka. Nasicatsanisa kuphila kwetfu nekwaletinye tintfo letiphilako, asitibuti yini, ‘kuphelela kuleminyaka lengu-70 noma lengu-80 yini kuphila?’
Ngubani Libito LaNkulunkulu?
Lona ngumbuto bantfu labanyenti labasolo batibuta wona. Mhlawumbe nawe uke watibuta wona. Ase sikubeke ngalendlela: Nangabe emazulu nemhlaba nako konkhe lokukuwo kwadalwa, Nkulunkulu ke yena wavelaphi?
BoSosayensi bayavuma kutsi tintfo letikhona tinesicalo. Loku kuvumelana kahle nemavi elivesi lekucala eliBhayibheli latsi: “Ekucaleni Nkulunkulu wadala lizulu nemhlaba.”—Genesisi 1:1.
Angeke kwenteke kutsi emazulu nemhlaba atidala wona, futsi angeke kwenteke nekutsi amane ativelela. Intfo lengekho angeke kwenteke idale lutfo. Kube bekute lutfo ngaphambi kwekutsi kudalwe konkhe lokukhona, ngabe kute lutfo lamuhla. Kuyavunywa kutsi kumatima ngatsi kukucondza kahle loko bekusolo kukhona nalokwabangela kutsi kube khona emazulu nemhlaba, ngesizatfu sekutsi asikhoni kukubona ngemehlo. Jehova Nkulunkulu ungumoya, unemandla lamakhulu kakhulu futsi uhlakaniphe kwendlula nobe ngubani, konkhe lokukhona kwacalwa nguye.—Johane 4:24.
Nalikhuluma ngaNkulunkulu, liBhayibheli litsi: “Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.” (Tihlabelelo 90:2) Loku kubufakazi bekutsi Nkulunkulu bekasolo akhona. Ngako, “ekucaleni” wadala emazulu nemhlaba nako konkhe lokukuwo.—Sembulo 4:11.
Lutsandvo Lusisita Njani Kutsi Sincobe Kwesaba?
16 Sathane uyati kutsi siyakutsandza kuphila. Nobe kunjalo, utsi singalahlekelwa ngunobe yini lesinayo, lokufaka ekhatsi nebuhlobo betfu naJehova kuze nje sisindzise kuphila kwetfu. (Jobe 2:4, 5) Lawo ngemanga laluhlata klaba! Kodvwa ngenca yekutsi nguye “lonendlela yekubangela kufa,” usebentisa kwesaba kwetfu kufa kuze asente sishiye Jehova. (Heb. 2:14, 15) Kuletinye timo, Sathane usebentisa bantfu bakhe kuze basongele labo labakhonta Jehova ngekubabulala nangabe bangayekeli kukhonta Jehova. Ngalesinye sikhatsi, Sathane usitakala ngekugula kwetfu kuze etame kusenta singetsembeki kuNkulunkulu. Bodokotela nobe emalunga emindeni yetfu langasibo boFakazi bangahle basicindzetele kutsi sivume kumpontjelwa ingati, lokuyintfo lengahambisani nemtsetfo waNkulunkulu. Nobe lomunye angahle asicindzetele kutsi semukele kwelashwa ngendlela lengahambisani netimiso teliBhayibheli.
17 Nanobe singafuni kufa, kodvwa siyati kutsi Jehova angeke ayekele kusitsandza ngisho singafa. (Fundza KubaseRoma 8:37-39.) Nangabe bangani baJehova bafa, uhlale abakhumbula, kube ngatsi basaphila. (Luk. 20:37, 38) Uyakulangatelela kubavusa ekufeni. (Jobe 14:15) Jehova wakhipha linani lelisetulu kuze ‘sitfole kuphila lokuphakadze.’ (Joh. 3:16) Siyati kutsi Jehova usitsandza kakhulu nekutsi unendzaba mbamba natsi. Kunekutsi simshiye nasigula nobe nasisongelwa ngekufa, kufanele setsembele kuye kuze asidvudvute, asinike kuhlakanipha futsi asiphe emandla. Nguloko kanye lokwentiwa nguValérie nendvodza yakhe.—Hla. 41:3.
Kufunisisa Umcebo EVini LaNkulunkulu
Umuntfu Unayo Yini Ingilosi Yakhe Lemgadzile?
LiBhayibheli alifundzisi kutsi umuntfu unengilosi yakhe lemgadzile. Kuliciniso kutsi Jesu wake watsi: “Caphelani kutsi ningedzeleli ngisho namunye kulaba labanjengebantfwana, ngobe ngicinisile ngitsi, tingilosi tihlale tisembikwaBabe losezulwini ngenca yabo.” (Matewu 18:10) Nobe kunjalo, Jesu bekangasho kutsi umuntfu ngamunye unengilosi yakhe lemgadzile, kunaloko bekatsi tingilosi tiyakunaka loko lokwentiwa bafundzi bakhe. Ngako, emaKhristu eliciniso akatenti tintfo letingakahlakaniphi nobe afake kuphila kwawo engotini etsembe kutsi tingilosi taNkulunkulu titawavikela.
Ngabe loko kusho kutsi tingilosi atibasiti yini bantfu? Cha. (Tihlabelelo 91:11) Labanye bakholelwa kutsi Nkulunkulu usebentisa tingilosi kute tibavikele tiphindze tibacondzise. Kenneth, lesikhulume ngaye ekucaleni, ungulomunye wabo. Nanobe singeke sikuphike loko, kungenteka ucinisile. BoFakazi BaJehova babubone kanyenti bufakazi bekusekelwa tingilosi nabashumayela. Nobe kunjalo, ngenca yekutsi tingilosi tinemtimba wemoya, singeke sisho kutsi Nkulunkulu utisebentisa ngelizinga lelinganani kute tisite bantfu etindzabeni letehlukahlukene. Ngetulu kwaloko, ngeke sihlale singambongi Nkulunkulu ngelusito lasiniketa lona nganobe ngabe nguyiphi indlela.—Kholose 3:15; Jakobe 1:17, 18.
OCTOBER 7-13
UMCEBO LOSEVINI LANKULUNKULU | TIHLABELELO 92-95
Kukhonta Jehova Yindlela Lencono Kakhulu Yekuphila!
Nine Labasha, Timiseleni Kufeza Imigomo Yekukhonta Jehova?
5 Sizatfu lesiyinhloko sekutibekela imigomo yekukhonta Nkulunkulu kutsi sifuna kubonga ngetintfo lasentela tona kanye nekutsi uyasitsandza. Umhlabeleli watsi: “Kuhle kubonga wena, Simakadze . . . Ngobe nguwe, Simakadze, longente ngatfokota ngaloko lokwentile, imisebenti yetandla takho ingente ngahlabelela ngekujabula.” (Hla. 92:1, 4) Cabanga ngako konkhe Jehova lakwentele kona; kungaba kuphila, kukholwa, liBhayibheli, libandla kanye nematsemba lamahle ngelikusasa. Kwenta kukhonta Jehova kute kucala ekuphileni kwakho kungakhombisa kutsi uyambonga Nkulunkulu ngaletibusiso futsi kungakwenta usondzele kuye.
Ngubani Lolawula Indlela Locabanga Ngayo?
8 Njengemtali lonelutsandvo, Jehova ufuna bantfu bakhe bajabule ekuphileni. (Isa. 48:17, 18) Usinikete timiso tendlela lokufanele sitiphatse ngayo nendlela lokufanele siphatse ngayo labanye. Ufuna sifundze kuba nembono wakhe ngetintfo futsi siphile ngetimiso takhe. Loku akusho kutsi sesite inkhululeko, kodvwa kusisita sibe nembono lokahle ngetintfo. (Hla. 92:5; Taga 2:1-5; Isa. 55:9) Kuphindze kusisite sente tincumo letikahle letitasenta sijabule. (Hla. 1:2, 3) Kusisita kakhulu kucabanga ngendlela Jehova lacabanga ngayo.
Uligugu KuJehova LonguNkulunkulu Wakho!
18 Njengobe sikhula ngeminyaka, kufanele siciniseke kutsi kusenemsebenti lomnyenti Jehova lafuna siwente. (Hla. 92:12-15) Jesu wasifundzisa kutsi nobe ngabe sinemakhono lamancane kangakanani nobe ngabe sesiphelelwa ngemandla, Jehova uyakujabulela konkhe lesikhona kukwenta emsebentini wakhe. (Luk. 21:2-4) Ngako asinake loko lesingakhona kukwenta. Nasi sibonelo, ungakhuluma ngaJehova, uthantazele bazalwane nabodzadze, nobe ukhutsate labanye kutsi bahlale betsembekile. Jehova ukutsatsa njengesisebenti sakhe, hhayi ngenca yaloko lokhona kukwenta kodvwa ngenca yekutimisela kwakho kumlalela.—1 Khor. 3:5-9.
Kufunisisa Umcebo EVini LaNkulunkulu
cl-ZU 176 ¶18
‘O Ukujula Kokuhlakanipha KukaNkulunkulu!’
18 Phawula indlela umphostoli uPawulu akuveza ngayo ukuba yingqayizivele kokuhlakanipha kukaJehova: “O ukujula kwengcebo nokuhlakanipha nolwazi lukaNkulunkulu! Yeka ukuthi zingezingaphenyeki kanjani izahlulelo zakhe nokuthi zingezingenakuthungathwa kanjani izindlela zakhe!” (Roma 11:33) Ngokuqala leli vesi ngesibabazo esithi “O,” uPawulu wayebonisa ukuthinteka okujulile—ukumangala okukhulu. Igama lesiGreki alikhetha elisho “ukujula” lihlobene eduze negama elisho “ulasha.” Ngakho, amazwi akhe akha umfanekiso ocacile engqondweni. Uma sihlola ukuhlakanipha kukaJehova, kuba njengokungathi sigqolozele umgodi ongenamkhawulo, indawo ejule nebanzi kangangokuthi asinakubuqonda ubukhulu bayo, ingasaphathwa eyokubona lapho igcina khona. (IHubo 92:5) Akufanele yini kusenze sithobeke lokho?
OCTOBER 14-20
UMCEBO LOSEVINI LANKULUNKULU | TIHLABELELO 96-99
“Memetelani Tindzaba Letimnandzi”!
Tiyini Tindzaba Letinhle?
EMAKHRISTU kufanele ashumayele ‘tindzaba letihle tembuso’ ngekutjela labanye ngawo, achaze nekutsi loMbuso unguhulumende wesikhatsi lesitako lotawubusa umhlaba ngekulunga. Nanobe kunjalo, leligama lelitsi ‘tindzaba letinhle,’ liphindze lisetjentiswe ngetindlela letehlukehlukene eBhayibhelini. Sibonelo saloku kutsi sitfola emavi latsi ‘memetelani tindzaba letinhle tensindziso yakhe’ (Tihlabelelo 96:2); ‘tindzaba letinhle letiphuma kuNkulunkulu’ (Roma 15:16); ‘tindzaba letinhle ngaJesu Khristu.’—Makho 1:1.
Tindzaba letinhle tifaka ekhatsi onkhe emaciniso Jesu lakhuluma ngawo kanye nalawo labhalwa bafundzi bakhe. Ngembikwekutsi enyukele ezulwini, naku Jesu lakutjela balandzeli bakhe: ‘Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelemoya longcwele, nibafundzise kugcina konkhe lenginiyale ngako.’ (Matewu 28:19, 20) Ngako-ke, umsebenti wemaKhristu eliciniso awusiko kumane nje atjele labanye ngeMbuso; kufanele aphindze ente bantfu babe bafundzi.
Kutakwentekani NgeLilanga Lekwehlulela?
Njengobe kuvela esitfombeni lesingesekudla, bantfu labanyenti bacabanga kutsi ngeLilanga Lekwehlulela tigidzigidzi temiphefumulo titawuvela embikwesihlalo saNkulunkulu sebukhosi kuze yehlulelwe ngemisebenti yayo, leminye itfole umvuzo wekuphila ezulwimi leminye ihlushwe esihogweni. LiBhayibheli lona lichaza kutsi injongo yeLilanga Lekwehlulela kukhulula bantfu ekuphatfweni kabi. (Tihlabelelo 96:13) Nkulunkulu ubeke Jesu kutsi abe nguMehluleli lotawubangela kutsi bantfu baphatfwe kahle.—Fundza Isaya 11:1-5; Imisebenti 17:31.
Kuthula Kweminyaka Leyinkhulungwane Nekwaphakadze!
18 Lobo budlelwane lobunebunye baphatamiseka ngalesikhatsi bantfu badukiswa nguSathane futsi bavukela bukhosi baJehova. Nobe kunjalo, kusukela nga-1914 uMbuso webuMesiya bowetama kutsi lobo budlelwane lobunebunye buphindze bube khona. (Ef. 1:9, 10) Ngesikhatsi sekuBusa kweMinyaka Leyinkhulungwane, tentakalo letinhle ‘letingabonakali’ nyalo, titawuba sebaleni. Ngemuva kwaloko, kutawufika “kuphela” lokutawusho kuphela kwekuBusa kwaKhristu kweMinyaka Leyinkulungwane. Yini letawubese iyenteka? Nanobe Jesu aphiwe ‘emandla onkhe ezulwini nasemhlabeni,’ akafuni kutsatsa sikhundla saJehova. Ngekutitfoba ‘unikela umbuso kuNkulunkulu uYise.’ Utawusebentisa sikhundla sakhe lesikhetsekile neligunya lanalo “kube ludvumo kuNkulunkulu.”—Mat. 28:18; Fil. 2:9-11.
19 Ngaleso sikhatsi, kutawususwa sono kubo bonkhe bantfu labatawube babuswa nguloMbuso. Batawulandzela sibonelo saJesu batitfobe ngekutitsandzela ekubuseni kwaJehova. Batawuba nelitfuba lekukhombisa leso sifiso sekwenta njalo ngekutsi bendlule ngemphumelelo ekuhluphekeni lokukhulu. (Semb. 20:7-10) Ngemuva kwaloko, bonkhe labavukela Nkulunkulu—kungaba bantfu nobe tidalwa temoya—batawubhujiswa phakadze. Leso kutawuba sikhatsi lesijabulisa mbamba. Umndeni wonkhe webantfu lojabulile utawudvumisa Jehova lotawube ‘anguko konkhe kuko konkhe.’—Fundza Tihlabelelo 99:1-3.
Kufunisisa Umcebo EVini LaNkulunkulu
it-2-E 994
Ingoma
Emavi latsi “ingoma lensha” awatfolakali kuphela encwadzini yeTihlabelelo, kodvwa ayatfolakala nasencwadzini ya-Isaya kanye nakuloko lokwabhalwa ngumphostoli Johane. (Hl 33:3; 40:3; 96:1; 98:1; 144:9; 149:1; Isa 42:10; Sem 5:9; 14:3) Nakubukisiswa loko lokusuke kukhulunywa ngako nakuvela lamavi latsi “ingoma lensha” kuveta kutsi lengoma beyihlatjelwa nangabe kukhona Jehova lakwentile lokumayelana nebukhosi bakhe, njengobe nje Tihlabelelo 96:10 tisho kutsi “Jehova sewuyiNkhosi.” Lakwentile Jehova nakandzisa bukhosi bakhe nekutsi loko kulitsintsa njani lizulu nemhlaba, kubonakala kusihloko ‘salengoma lensha.’—Hl 96:11-13; 98:9; Isa 42:10, 13.
OCTOBER 21-27
UMCEBO LOSEVINI LANKULUNKULU | TIHLABELELO 100-102
Khombisa Kutsi Uyabonga Ngelutsandvo LwaJehova Lolucotfo
Yini Longayenta Kuze Ulungele Kubhajatiswa?
18 Lutsandvo lonalo ngaJehova lubuntfu lobubalulekile. (Fundza Taga 3:3-6.) Nangabe umtsandza mbamba Nkulunkulu, ungakhona kubhekana netinkinga ekuphileni. LiBhayibheli livame kutsi Jehova utsandza bantfu bakhe ngelutsandvo lolucotfo. Loku kusho kutsi akayuze atishiye tikhonti takhe nobe ayekele kutitsandza. (Hla. 100:5) Wentiwe ngemfanekiso waNkulunkulu. (Gen. 1:26) Ungalukhombisa njani lutsandvo lolunjalo?
19 Cala ngekubonga. (1 Thes. 5:18) Njalo ngelilanga tibute: ‘Jehova ukhombise njani kutsi uyangitsandza?’ Ngemuva kwaloko nawuthantaza, ubobonga Jehova utisho ngalokucondzile tintfo lakwentele tona. Tsatsa tintfo Jehova lakwentele tona njengendlela lakhombisa ngayo kutsi uyakutsandza, njengobe nemphostoli Pawula akubona loko ngaJehova. (Fundza Galathiya 2:20.) Tibute: ‘Ngiyafuna yini kukhombisa kutsi nami ngiyamtsandza?’ Kutsandza Jehova kutakusita kutsi ukhone kuchubeka umelana netilingo futsi ukhone kubhekana netinkinga. Kutakusita unamatsele eluhlelweni lwakho lwekukhonta Jehova futsi uchubeke ukhombisa kutsi uyamtsandza onkhe malanga.
“Hlalani Nisangulukile Niphindze Nicaphele!”
10 Letinye tintfo lokufanele singatenti tifaka ekhatsi kudlala ngelutsandvo, kunatsa kakhulu tjwala, kudla ngalokwecile, inkhulumo lelimatako, kanye nekubuka tintfo letikhombisa budlova, kungcola kanye naletinye tintfo letifana naleti. (Hla. 101:3) Sitsa setfu lesinguDeveli sihlale sifuna ematfuba ekulimata buhlobo betfu naJehova. (1 Phet. 5:8) Nangabe singakanaki, Sathane angafaka etingcondvweni tetfu nasetinhlitiyweni tetfu umona, kungetsembeki, bugovu, inzondo, kutikhukhumeta kanye nentfukutselo lengalawuleki. (Gal. 5:19-21) Ekucaleni, letintfo tingahle tibebete emandla kodvwa nangabe singatisusi ngekushesha, titawuchubeka tikhula kuhle kwesihlahla lesinashevu futsi tibange ingoti.—Jak. 1:14, 15.
Utawutilalela Yini Tecwayiso TaJehova?
7 Yini lokufanele siyente kute sitehlukanise nebafundzisi bemanga? Akukafaneli sibemukele emitini yetfu nobe sikhulume nabo. Asitifundzi tincwadzi tabo, asitibukeli netinhlelo tabo letivela ku-TV, futsi asikufundzi loko labakufake ku-Internet nobe sikuphendvule. Kungani kufanele sitimisele kwenta njalo? Kungobe siyamtsandza “Nkulunkulu lowetsembekile,” ngako-ke, asitinaki timfundziso letihlaneketelwe letiphikisana neliVi lakhe. (Hla. 31:5; Joh. 17:17) Siyayitsandza nenhlangano yaJehova lesifundzise emaciniso lajabulisako—lafaka ekhatsi libito lakhe, inchazelo yalo, injongo yaNkulunkulu ngemhlaba, simo sebantfu labafile, kanye nangelitsemba leluvuko. Usakhumbula yini kutsi wativa njani ngesikhatsi ucala kufundza ngalamaciniso laligugu? Ngako-ke, ungavumeli nobe ngubani akwehlukanise nenhlangano lekufundzise lamaciniso.—Joh. 6:66-69.
8 Nanobe ngabe yini bafundzisi bemanga labayifundzisako, angeke sibalandzele. Site sizatfu sekulalela bantfu labafanana nemtfombo lote emanti. Ngako-ke, asitimisele kuhlala setsembekile kuJehova kanye nasenhlanganweni leseyinikete bantfu labanyenti emanti lahlantekile nalacabulako laliciniso lelivela eVini laNkulunkulu leliphefumulelwe.—Isa. 55:1-3; Mat. 24:45-47.
Kufunisisa Umcebo EVini LaNkulunkulu
it-2-E 596
Livuba
Livuba naselisutsi, livame kundiza liye endzaweni lethulile, lapho lifike lihlale khona kube ngatsi likhatsatekile. Lishobelisa inhloko yalo emahlombe alo, bese alisanyakati futsi nawukhashane ungabona ngatsi litje lelimhlophe. Lenyoni ihlala kuleso simo sikhatsi lesidze, futsi loko kuhambisana kahle nendlela umhlabeleli lachaza ngayo buhlungu bekabuva nakatsi: “Sengifana nelivuba lasehlane.” (Hl 102:6) Lombhalo nawukhuluma ‘ngelihlane’ awusho ngalokucondzile indzawo lelugwadvule, kodvwa usho indzawo lekhashane nalapho kuhlala khona bantfu, mhlawumbe indzawo lelitete. Ngaletinye tikhatsi temnyaka, emavuba ahlala etindzaweni letingematete letitfolakala enyakatfo yesihosha saseJordane. Tintsatfu tinhlobo temavuba letitfolakala ka-Israyeli. Livuba lelatiwa kakhulu ngulelimhlophe (Pelecanus onocrotalus); kubese kuba nalelinemacabhacabha lamnyama (Pelecanus crispus) nalelinembala lo-pink (Pelecanus rufescens) langakavami kubonakala.
Livuba litsandza tindzawo letingalinywa, lapho lingeke liphatanyiswe khona bantfu. Kuletindzawo lifike lifukamele liphindze lichobosele emacandza. Liphindze lite kulendzawo naselicedzile kufuna kudla. Ngenca yekutsi livuba litsandza tindzawo letithulile naletitindzala, kungako liBhayibheli lisebentisa lenyoni njengeluphawu lwembhubhiso. Isaya nakabiketela ngekubhujiswa kwa-Edomu watsi livuba litawutsatsa lelive. (Isa 34:11) Zefaniya nakabiketela kutsi emavuba atawuhlala eticongweni tetinsika taseNineve, bekasho kutsi lendzawo itawubhujiswa futsi kube bete umuntfu lohlala kuyo.—Zef 2:13, 14.
OCTOBER 28–NOVEMBER 3
UMCEBO LOSEVINI LANKULUNKULU | TIHLABELELO 103-104
“Uyakhumbula Kutsi Silutfuli”
Lingisa Jehova Ngekucabangela
5 Kutfobeka kwaJehova nemusa wakhe kumenta kutsi acabangele. Sibonelo nje, kutfobeka kwaJehova kwabonakala ngesikhatsi afuna kubhubhisa bantfu lababi baseSodoma. Asebentisa tingilosi takhe, watjela Loti lebeketsembekile kutsi abalekele esifundzeni lesinetintsaba. Loti bekesaba kuya lapho. Ngako wancenga Jehova kutsi yena nemndeni wakhe babalekele eSowari, lokulidolobha lelincane nalo lebekufanele libhujiswe. Jehova akazange acindzetele Loti kutsi ente loku latsi akakwente. Kunaloko, wenta njengobe Loti acelile, nanobe loko bekusho kutsi iSowari beyingeke isabhujiswa. (Gen. 19:18-22) Ngemuva kweminyaka leminyenti kwenteke loku, Jehova wabakhombisa umusa bantfu baseNineve. Watfumela umphrofethi Jona kutsi amemetele kutsi lelidolobha nebantfu balo lababi kutawubhujiswa. Kodvwa ngesikhatsi bantfu baseNineve baphendvuka, Jehova wabavela buhlungu wabese akasalibhubhisi lelidolobha.—Jona 3:1, 10; 4:10, 11.
Yetsembela KuJehova NjengaSamsoni
16 Nanobe Samsoni abhekana nemiphumela lebuhlungu ngenca yeliphutsa lakhe, kodvwa akazange ayekele kwetama kwenta intsandvo yaJehova. Ngisho singenta liphutsa futsi kudzingeke sisolwe nobe kudzingeke siyekeliswe kwenta imisebenti letsite ebandleni, akukafaneli silahle litsemba. Khumbula kutsi Jehova akasilahli. (Hla. 103:8-10) Nanobe singenta emaphutsa, Jehova angachubeka asisebentisa njengobe enta kuSamsoni.
17 Cabanga ngesibonelo salomunye umzalwane losemusha lokutsiwa nguMichael. Bekamatasa emsebentini waJehova, ayinceku lesebentako futsi alihlahlandlela lelivamile. Kodvwa lokubuhlungu kutsi wenta liphutsa lelenta kutsi ayekeliswe kwenta leminye imisebenti ebandleni. Utsi: “Ngaphambi kwekutsi ngente leliphutsa, bengimatasa emsebentini waJehova. Kodvwa ngekucwabita nje kweliso, ngeva ngatsi tonkhe tintfo tima nsi! Bengati kutsi Jehova angeke angilahle, kodvwa bengitibuta kutsi budlelwane bami naye butake bufane yini, nekutsi ngitawuphindze yini ngimentele lokunyenti ebandleni njengobe bengenta.”
18 Lokuhle kutsi Michael akazange alahle litsemba. Uchubeka utsi: “Nganaka kakhulu kulungisa buhlobo bami naJehova, ngekutsi ngihlale ngithantaza, ngimtjele indlela lengitiva ngayo nangekudadisha nekucabangisisa ngalengikufundzile.” Ngekuhamba kwesikhatsi, Michael waphindze wenta leminye imisebenti ebandleni. Nyalo ungulomdzala welibandla futsi ulihlahlandlela lelivamile. Utsi: “Labadzala belibandla bangisekela futsi bangikhutsata, loko kwangisita ngabona kutsi Jehova usangitsandza. Nyalo sengiphindze ngenta leminye imisebenti ebandleni nganembeza lohlobile. Loku lokwenteka kungifundzisile kutsi Jehova angacolela nobe ngubani lophendvuke mbamba.” Natsi singaciniseka kutsi Jehova utasisebentisa futsi asibusise ngisho nobe sente emaphutsa, nangabe nje senta konkhe lesingakwenta kuze silungise emaphutsa etfu futsi sichubeke setsembela kuye.—Hla. 86:5; Taga 28:13.
Ungayifinyelela Imigomo Yakho Ekukhonteni Nkulunkulu
2 Nangabe unemgomo losengakawufinyeleli, ciniseka kutsi awusiso sehluleki. Ngisho nekufinyelela umgomo lomncane kuvame kudzinga sikhatsi nemetamo. Lokutsi nje uyafuna kufinyelela umgomo wakho kuyakhombisa kutsi ubutsatsa njengalobuligugu buhlobo bakho naJehova futsi ufuna kumniketa lokuncono kakhulu. Jehova uyajabula ngemetamo yakho. Kuliciniso kutsi akalindzeli kutsi wente lokungetulu kwaloko longakhona kukwenta. (Hla. 103:14; Mik. 6:8) Ngako tibekele umgomo lotawukhona kuwufinyelela, kuye ngetimo takho. Ngemuva kwekukhetsa umgomo, yini longayenta kuze uwufinyelele? Ase sicoce ngalokunye longakwenta.
Kufunisisa Umcebo EVini LaNkulunkulu
cl-ZU 55 ¶18
Amandla Okudala—“UMenzi Wezulu Nomhlaba”
18 Sifundani ngokusebenzisa kukaJehova amandla akhe okudala? Kuyasimangalisa ukuhlukahluka kwendalo. Omunye umhubi wathi: “O Jehova, yeka ukuthi miningi kangakanani imisebenzi yakho! . . . Umhlaba ugcwele imikhiqizo yakho.” (IHubo 104:24) Kuyiqiniso isibili! Izazi zezinto eziphilayo zithi kunezinhlobo zezinto eziphilayo ezingaphezu kwesigidi emhlabeni; kodwa iyahlukahluka imibono ngokuthi kungenzeka zibe yizigidi eziyishumi, ezingamashumi amathathu, noma ngaphezulu. Umuntu ongumdwebi angase ahluleke ukusungula izinto angazidweba ngezinye izikhathi. Ngokuphambene, kusobala ukuthi alipheli ikhono likaJehova lokusungula izinto—amandla akhe okuqamba nokudala izinto ezintsha nezihlukahlukene.