Bobani Titsa TaNkulunkulu?

Sitsa saNkulunkulu lesikhulu kunato tonkhe nguSathane longuDeveli. Usidalwa semoya lesavukela Jehova. Sathane uchubeka aphikisana naNkulunkulu futsi abangela bantfu tinkinga letinyenti. Akakalungi kantsi futsi ungumbulali nemcambimanga.—Johane 8:44.

Letinye tidalwa temoya tahlanganyela naSathane kulokuvukela kwakhe Nkulunkulu. LiBhayibheli litibita ngekutsi tingemadimoni. NjengaSathane, lamadimoni atitsa tebantfu futsi ayatsandza kubalimata. (Matewu 9:32, 33; 12:22) Jehova utawubhubhisa Sathane nemadimoni akhe unomphela. Sebasalelwe sikhatsi lesincane kakhulu sekuhlupha bantfu.—Sembulo 12:12.

Nangabe ufuna kuba ngumngani waNkulunkulu, ungakwenti loko Sathane lafuna ukwente. Sathane nemadimoni abamtsandzi Jehova. Batitsa takhe, futsi bafuna nawe ube ngiso. Kufanele ukhetse kutsi ufuna kujabulisa bani—Sathane noma Jehova. Nangabe ufuna kutfola kuphila lokuphakadze, kumelwe ukhetse kwenta intsandvo yaNkulunkulu. Sathane unemasu netindlela letinyenti tekudukisa bantfu. Labanyenti bantfu bakhohliswa nguye.—Sembulo 12:9.