SIFUNDVO 1

Setfulo Lesikhangako

Imisebenti 17:22

LOKUFANELE UKWENTE: Setfulo sakho kufanele sente bantfu bafune kukulalela, sivete indzaba lotawukhuluma ngayo, futsi sivete nekutsi kungani labakulalele kufanele banake indzaba yakho.

INDLELA YEKUKWENTA:

Yenta bantfu bafune kukulalela. Khetsa umbuto, lokwenteke kulotsite, lokusetindzabeni takamuva, noma usho lokutsite lokutawukhanga labakulalele.

Nawusalungiselela, cabangisisa ngetidzingo talabatawube bakulalele bese wenta setfulo sakho sihambisane nato.
Khanyisa liphuzu lakho. Ciniseka kutsi setfulo sakho senta sihloko nenjongo yendzaba lokhuluma ngayo kukhanye kubantfu labakulalele.
Khombisa kutsi lendzaba ibaluleke ngani. Lokushoko kufanele kuhambisane netidzingo talabakulalele. Kufanele bakucondze kahle kutsi lendzaba ibasita njani.

Nawusalungiselela inkhulumo yakho, tibute, ‘Ebandleni letfu, ngutiphi timo bazalwane nabodzadze labaphila nato?’ Yenta setfulo sakho sivumelane netidzingo tabo.