Bani Neluvelo

Simiso: “Jabulani nalabajabulako, nikhale nalabakhalako.”—Rom. 12:15.

Lokwentiwa NguJesu

Jesu nebafundzi bakhe behla esikebheni baya kulesicumbi sebantfu lesibamele elugwini.

I-VIDEO: Jesu Uhawukela Sicumbi Sebantfu

1. Bukela le-VIDEO, nobe ufundze Makho 6:30-34, bese uphendvula lemibuto lelandzelako:

Yini leyenta Jesu kanye nebaphostoli bakhe bafuna kuba “bodvwa”?
Yini leyakhutsata Jesu kutsi afundzise lesicumbi sebantfu?

Yini Lesiyifundzako KuJesu?

2. Luvelo lusenta singanaki nje kuphela umlayeto lesiwushumayelako, kodvwa siphindze sibe nendzaba nebantfu.

Lingisa Jesu

3. Lalelisisa. Vumela lomuntfu kutsi avete indlela lativa ngayo. Yinake indlela lativa ngayo futsi ungamphatamisi nakasakhuluma. Nangabe umlalelisisa usuke ukhombisa kutsi unendzaba naloko lakucabangako.

4. Cabanga ngalomuntfu lonesifiso sekufundza. Nawucabanga ngaloko benicoca ngako, tibute:

‘Yini leyenta lomuntfu afune kulalela liciniso?’
‘Kudadisha liBhayibheli kungayenta njani imphilo yakhe kutsi ibe ncono nyalo nasesikhatsini lesitako?’

5. Khuluma ngetintfo letingamsita. Ngekushesha nje, mkhombise kutsi kudadisha liBhayibheli kungayiphendvula imibuto lanayo kuphindze kumsite nangetindlela letinyenti.

PHINDZE UBUKE

Rom. 10:13, 14; Fil. 2:3, 4; 1 Phet. 3:8