Umkhankaso Lomkhulu Wekushumayela Loke Wentiwa Emhlabeni!
Sekuphele iminyaka lengetulu kwalelikhulu BoFakazi BaJehova bashumayela tindzaba letimnandzi. (1 Khor. 9:23) Ngalomkhankaso wekushumayela lomkhulu kunayo yonkhe leyake yaba khona, sishumayela ngetilwimi letinyenti nasemaveni langetulu kwa-230. (Mat. 24:14) Kungani lomsebenti ubalulekile? Ufezwa njani emhlabeni wonkhe?
I-video letsi “OFakazi BakaJehova—Bahlelelwe Ukushumayela Izindaba Ezinhle,” iphendvula lemibuto ngekuchaza imininingwane leminyenti mayelana nemsebenti wetfu lowentiwa emhlabeni wonkhe. Ngemuva kwekubukela le-video, cabangisisa ngalemibuto lelandzelako: (1) Nguyiphi indlela umsebenti wetfu lohlelwe ngayo futsi ucondziswa njani? (2) LiHhovisi Lekubhala, Lekuhumusha, Lekudvweba Titfombe, kanye ne-Audio/Video Service lidlala yiphi indzima ekumenyetelweni kwetindzaba letimnandzi? (3) Iyini injongo yemsebenti wetfu lomkhulu wekushicilela tincwadzi kanye nekutitfumela? (Joh. 17:3) (4) Tingakhi tincwadzi letishicilelwako ngemnyaka? (5) Yini lefezwe tincwadzi tetfu letisekelwe eBhayibhelini? (Heb. 4:12) (6) Yini leyentiwako kuze kusitwe labo labangaboni emehlweni kanye nalabangeva etindlebeni kuze nabo bafundze ngaNkulunkulu? (7) Umsebenti wetfu usekelwa njani ngetimali? (8) Sizusa njani emsebenti lowentiwa liHhovisi Lelinakekela Tindzaba Tetibhedlela, liHhovisi Lemsebenti, kanye neliHhovisi Lemihlangano? (9) Njengobe ungulomunye waBoFakazi BaJehova, le-video ikwente njani (a) wabonga ngemetamo inhlangano yaJehova leyentako kuze kushunyayelwe tindzaba letimnandzi? (b) wabonga ngemindeni yaseBethel lengetulu kwa-100 emhlabeni wonkhe? (c) wabonga ngemfundvo leniketwa babonisi kanye netitfunywa telivangeli? (d) wabona kubaluleka kwekucalisa lilanga ngalinye ngekuhlola umbhalo weliBhayibheli kanye nekulungiselela imihlangano yelibandla maviki onkhe? (e) wacondza tinzuzo tekuba khona emihlanganweni yetfu yebuKhristu? (f) wacondza loko lokutawuletfwa liPharadisi lapha emhlabeni? (Isa. 11:9) (g) wabona kubaluleka kwekutsi uhlanganyele kulomsebenti lochubekako wekuvuna?—Joh. 4:35.
Tihlobo takho, bangani, bantfu lobuyela kubo, kanye nalabo lofundza nabo liBhayibheli batsintseke njani nababukela le-video? Kungani ungacali ngekushesha kuyisebentisa nawushumayela?—Mat. 28:19, 20.