I-Video Letsi: “The Bible—Its Power in Your Life”

LiBhayibheli lisite tigidzi tebantfu kutsi tente kuphila kwato kube ncono. Ngutiphi letinye tetimiso teliBhayibheli lesingatsi nasitisebentisa tisisite sincobe tinkinga lesihlangabetana nato lamuhla? Utakujabulela kakhulu kutfola imphendvulo yalombuto ngekubukela i-video letsi: “The Bible—Its Power in Your Life,” lokuyi-video yesibili kulamatsatfu latfolakala ku-DVD letsi: “The Bible—A Book of Fact and Prophecy.” Ngemuva kwekubukela le-video, phendvula lemibuto lelandzelako:

(1) Kukanjani liBhayibheli lingetulu kwekumane libe yincwadzi lenhle? (Heb. 4:12) (2) Nangabe liBhayibheli lingabasita bantfu kutsi batfutfukise kuphila kwabo, kungani-ke banetinkinga letingaka? (3) Sitsini sihloko lesikhulu seliBhayibheli? (4) Ngumiphi imiBhalo lokukhulunywe ngayo kule-DVD lengasita labo labashadile kutsi (a) batfutfukise kukhulumisana kwabo futsi (b) babambe intfukutselo yabo? (5) Umbono wemaKhristu ngemshado ukushintja njani kuphila kwemndeni kube ngulokuncono? (Ef. 5:28, 29) (6) Jehova ubabekela njani sibonelo lesihle batali? (Mak. 1:9-11) (7) Batali bangasenta njani sifundvo semndeni sijabulise? (8) Ngephandle kwesifundvo seliBhayibheli, yini lenye liVi laNkulunkulu lelikhutsata batali kutsi bayinikete bantfwana babo? (9) Seluleko seliBhayibheli singayisita njani imindeni kutsi ihlale inesimo lesihle semnotfo? (10) Ngutiphi timiso teliBhayibheli letiphatselene nekuhlanteka, kusetjentiswa kabi kwetidzakamiva netjwala, kanye nekucindzeteleka lekutsi natisetjentiswa tinciphise tinkinga temphilo? (11) Ngutiphi titsembiso teliBhayibheli letisikhutsatako? (Jobe 33:25; Hla. 145:16) (12) Timfundziso teliVi laNkulunkulu tikusite njani ekutseni utfutfukise imphilo yakho? (13) Ungayisebentisa njani le-video kute ukhutsate labanye?