Utawusicalisa Yini Sifundvo SeliBhayibheli Nga-October?
1. Ngusiphi sipho sa-October?
1 Sipho sa-October ngumagazini Sicongosekulindza kanye ne-“Phaphama!” Kute silandzelele inshisekelo, sikhutsatwa kutsi sihambise lipheshana lelitsi Ungatsandza Yini Kwati Liciniso? bese silwela kucalisa sifundvo seliBhayibheli. Singakwenta njani loku nasibuyela kulabo lebesicoce nabo?
2. Singalisebentisa njani lipheshana lelitsi Kwati Liciniso kute sicalise sifundvo seliBhayibheli nasibuyela kumuntfu lowemukela bomagazini?
2 Indlela Yekusebentisa Lelipheshana: Singase sitsi: “Labomagazini lengakushiyela bona bakhutsata bantfu bato tonkhe tinhlobo netinkholo kutsi bahlolisise liBhayibheli. [Niketa umnikati welikhaya lelipheshana lelitsi Kwati Liciniso, bese umkhombisa imibuto lesekhasini lekucala.] Nayi leminye yemibuto lekhangako, futsi liBhayibheli lisiniketa timphendvulo tayo letenetisako. Wake watibuta yini lomunye walemibuto?” Ngemuva kwekuva imphendvulo yemnikati welikhaya, fundzani imphendvulo yalombuto wakhe kulelipheshana, bese nifundza umBhalo lowodvwa kuleyo lekhonjiwe. Ngemuva kwaloko, mchazele kutsi lesi bekumane nje kusibonelo saloko lokufundziswa liBhayibheli, bese umniketa incwadzi letsi Lokufundziswa LiBhayibheli. Singabese sicoca ngetigaba tekucala tesihloko lasikhetsile kulencwadzi. Nobe singase sikhetse kuya ekhasini lelinekwatiswa lokubanti lokumayelana nendzaba lebesicoca ngayo kulelipheshana. Nati tikhombo lesingatisebentisa:
● Nkulunkulu unendzaba yini natsi vele? (emakh. 9-11, tig. 6-10)
● Imphi nekuhlupheka kuyoke kuphele yini? (likh. 12, tig. 12-13)
● Kwentekani kubantfu nabafa? (emakh. 59-60, tig. 7-8)
● Likhona yini litsemba ngalabafile? (likh. 71, tig. 13-15)
● Ngingathantaza kanjani futsi ngiviwe nguNkulunkulu? (emakh. 166-167, tig. 5-8)
● Ngingayitfola kanjani injabulo ekuphileni? (likh. 9, tig. 4-5)
3. Singayishintjashintja njani indlela lesenta ngayo kuye ngetimo?
3 Nangabe timo tingavumi kutsi simkhombise indlela yekuchuba sifundvo ngencwadzi letsi Lokufundziswa LiBhayibheli nasibuyela kuye kwekucala, singahlela kutsi siphindze sibuye kute sichubeke nekucoca. Kuye ngenshisekelo yemuntfu, singase sikhetse kucoca ngemibuto leyengetiwe lekulelipheshana tikhatsi letinyentana ngembikwekutsi sicale kusebentisa lencwadzi. Shengatsi nga-October singalisebentisa kahle lelipheshana lelilusito kute sicalise tifundvo teliBhayibheli, futsi sisite labo labanetinhlitiyo leticotfo kutsi ‘bati liciniso.’—Joh. 8:31, 32.