Nawudzinga Tincwadzi Telulwimi Lwakulelinye Live Ngekushesha

Ngaletinye tikhatsi sihlangana nebantfu labatsandza kufundza tincwadzi tetfu ngelulwimi lwakulelinye live lelingekho esitokweni selibandla letfu. Bewati yini kutsi nangabe une-Internet kanye nephrinta, ungakwati kutfola tincwadzi ngetilwimi letingaba ngu-400? Nayi indlela longenta ngayo:

• Vula likheli letfu le-Internet, lelitsi www.watchtower.org.

• Ngesekudla sakho kuneluhla lwetilwimi letimbalwa. Kute utfole tonkhe tilwimi, yani kulesitfombe semhlaba lesiyindilinga.

• Khetsa lulwimi lolifunako. Kutawuvela tincwadzi longakhona kutiphrinta letifaka ekhatsi emapheshana, tincwajana, kanye naletinye tihloko. Njengobe lapho uvule khona kubhalwe ngelulwimi lolukhetsile, ungakhatsateki nangabe ungakwati kutifundza letihloko.

• Khetsa lokukodvwa. Lencwadzi itawuvuleka, bese uyayiphrinta.

Likheli letfu le-Internet limane nje linetincwadzi letimbalwa, letinyenti titfolakala ebandleni. (Tincwadzi letibhalelwe boFakazi letifanana netihloko letifundvwako te-Sicongosekulindza, tingatsatfwa ekhelini letfu lelitsi jw.org, ngetilwimi letehlukehlukene.) Nasewubona kutsi lomuntfu unenshisekelo, kuncono uti-ode ebandleni.