I-Video Letsi: “The Bible—Accurate History, Reliable Prophecy”
Ngubuphi bufakazi lobuveta kutsi liBhayibheli linembile ngekwemlandvo? Ngutiphi tiphrofetho teliBhayibheli letigcwalisekile letisicinisekisa ngekutsi tiphrofetho tesikhatsi lesitako nato titawugcwaliseka? Lemibuto iyaphendvulwa ku-video letsi “The Bible—Accurate History, Reliable Prophecy,” lokuyi-video yesitsatfu letfolakala ku-DVD letsi “The Bible—A Book of Fact and Prophecy.” Ngemuva kwekubukela le-video, ungakwati yini kuphendvula lemibuto lelandzelako?
(1) Ngubani longuMtfombo wekwatiswa lokwetsembekile lokuseBhayibhelini? (Dan. 2:28) (2) LiBhayibheli liyichaza njani ngendlela lenembile iGibhithe yasendvulo, futsi siphrofetho lesibhalwe ku-Isaya 19:3, 4 sagcwaliseka njani? (3) Imibhalo letfolakele ikufakazela njani loko lokushiwo liBhayibheli mayelana nema-Asiriya, emakhosi awo, kanye nekubhujiswa kwayo? (Nah. 3:1, 7, 13) (4) Ngutiphi tiphrofetho letimayelana neBhabhulona letiye taba liciniso? (Jer. 20:4; 50:38; 51:30) (5) Ngusiphi siphrofetho lesimayelana nemaMede nemaPheresiya lesagcwaliseka? (Isa. 44:28) (6) Danyela 7:6 kanye na-8:5, 8 wagcwaliseka njani ngalokumayelana neGrisi? (7) Danyela 7:7 wagcwaliseka njani ngalesikhatsi iRoma iba ngumbuso wemhlaba? (8) Ngubaphi boKhesari lokukhulunywa ngabo eBhayibhelini? (9) Yini leyenteka kumaKhristu ngesikhatsi sekubusa kwaNero? (10) Tiphrofetho letitfolakala kuSembulo 13:11 kanye naku-17:10 tagcwaliseka njani? (11) Ingubani inkhosi yesiphohlongo? (12) Ngutiphi tincenye kule-video letifakazela kuba liciniso kweMshumayeli 8:9? (13) Ngutiphi tiphrofetho tesikhatsi lesitako lolangatelela kutibona tigcwaliseka? (14) Ungayisebentisa njani le-video kute usite labanye baciniseke ngekutsi liBhayibheli livela kuNkulunkulu?