Indlela Yekusebentisa Lifomu Lelitsi “Siza Ulandelele” (S-43-ZU)
Lelifomu kufanele ligcwaliswe nangabe utfola umuntfu lotsandza kufundza ngaNkulunkulu longahlali ensimini yenu nobe lokhuluma lulwimi lakulelinye live. Nanobe esikhatsini lesendlulile besilisebentisa nasihlangana nebantfu labakhuluma lulwimi lakulelinye live singanaki kutsi bayatsandza kufundza nobe cha, nyalo sesitalisebentisa kuphela kumuntfu lotsandza kufundza ngaNkulunkulu. Umehluko utawuba khona kuphela nasihlangana nebantfu labangeva etindlebeni. Nasihlangana nemuntfu longeva etindlebeni, nome uyatsandza kufundza nome cha, kufanele siligcwalise lelifomu lokutsiwa yi-S-43.
Yini lokufanele siyente ngalelifomu nasesiligcwalisile? Kufanele silinike mabhalane welibandla. Nangabe alati libandla lokufanele alitfumele kulo, angavele alitfumele kulabadzala balelo bandla kute batewenta emalungiselelo ekutsi lomuntfu lotsandza kufundza ngaNkulunkulu asitwe. Nangabe mabhalane ehluleka kutfola lelibandla, kufanele atfumele lelifomu ehhovisini leligatja.
Nangabe lomuntfu lotsandza kufundza ngaNkulunkulu akhuluma lulwimi lakulamanye emave, futsi ahlala ensimini yenu, ningase nichubeke nimvakashela kute nikhulise lolutsandvo lanalo lekufundza adzimate ahlanganiswe nemmemeteli lokhuluma lulwimi lwakhe.—Fundza Umsebenti Wetfu WeMbuso wa-November 2009, ekhasini 4, ngesiZulu.