Landzelela Ngekushesha

Kusukela kwahlelwa kabusha i-jw.org, sikhule kakhulu sibalo sebantfu labacele kufundzelwa liBhayibheli basebentisa yona. Letinye ticelo titfolakele ngendlela lensha yekushumayela etindzaweni tawonkhe wonkhe. Lihhovisi leligatja livele litisebente ngekushesha leticelo natifika. Sibonelo saloko kutsi nangabe sicelo sentiwe ku-jw.org, labadzala labakuleyo nsimu lakuhlala khona umuntfu lofake sicelo bavame kusitfola ngemuva kwemalanga lamabili nje loyo muntfu asifakile. Noma kunjalo, imibiko levela ensimini iveta kutsi labanye bantfu labacele kufundzelwa liBhayibheli, kuphela emaviki lamanyenti solo kungakachunyanwa nabo. Singacinisekisa njani kutsi siniketa lusito ngaphambi kwekutsi umuntfu aphelelwe yinshisekelo?​—Mak. 4:14, 15.

Nangabe kunalotsite longahlali ensimini yakini lokhombisa inshisekelo, ngekushesha vele ugcwalise lifomu lelitsi “Siza Ulandelele” (S-43-ZU) ulinikete mabhalane emhlanganweni welibandla lolandzelako. Mabhalane kufanele atfumele lokwatiswa ehhovisini leligatja ngalelolanga nome lelilandzelako asebentisa incenye letsi “Congregation” ku-jw.org. Labadzala kufanele bangene njalo ku-jw.org. Nangabe batfola kutsi kunalotsite lofisa kuvakashelwa, kufanele balandzelele ngekushesha. Ummemeteli locelwe kutsi alandzelele loyo muntfu kufanele akutsatse njengalokubaluleke kakhulu kwenta njalo. Nangabe loyo muntfu ungakamkhandzi lakahlala khona, mhlawumbe ungase ushiye umlayeto kanye nalapho angakutsintsa khona.