Lenye Indlela Yekusebentisa Incwajana Letsi Umlayeto WeliBhayibheli
Bantfu labanyenti ensimini yetfu, ikakhulukati labo labasetinkholweni letingasito tebuKhristu, abakaletayeli liBhayibheli. Nabafundzela bantfu labanjalo basebentisa incwadzi letsi Lokufundziswa LiBhayibheli, labanye bamemeteli basebentisa nencwajana letsi Umlayeto WeliBhayibheli kute basite bafundzi kutsi batfole umcondvo walokuseBhayibheli. Nasi sibonelo: Lomunye umzalwane usebentisa incenye 1 yalencwajana nakafundza nemuntfu sehluko 3 sencwadzi letsi Lokufundziswa LiBhayibheli. Ngemuva kwaloko, ubese sewufundza naye lenye incenye yalencwajana ngemuva kwesifundvo ngasinye. Ukhona yini umuntfu lomfundzelako longaketayelani neliBhayibheli nobe lonelwati loluncane ngalo? Kute umsite ayati “imiBhalo lengcwele lenemandla ekuhlakaniphisa kube kusindziswa,” ungafundza naye letinye tetincenye letikulencwajana kute wengete kuloko lokushiwo yincwadzi letsi Lokufundziswa LiBhayibheli.—2 Thim. 3:15.