I-DVD letsi “Jehovah’s Witnesses—Faith in Action, Part 1: Out of Darkness”
EBhayibhelini, kukhanya kuhlotjaniswa neliciniso kantsi emanga ahlotjaniswa nebumnyama. (Hla. 43:3; Isa. 5:20) NguSathane lowaletsa bumnyama eveni ngalesikhatsi adukisa Eva lokwaphumela ekutseni bonkhe bantfu babe sebumnyameni. (Semb. 12:9) I-DVD letsi “Jehovah’s Witnesses—Faith in Action, Part 1: Out of Darkness” iveta ngekulandzelana indlela kukhanya kweliBhayibheli lokwacala kuvela ngayo ebumnyameni. (Isa. 60:1, 2) Ngemuva kwekubuka le-DVD, sicela uphendvule lemibuto lelandzelako.
(1) Bumnyama lobukhulu bavela njani ngemuva kwekufa kwebaphostoli? (2) Kusukela ngeminyaka yabo-1100, yini leyenteka leyasita bantfu babona kutsi emasontfo bekangafundzisi liciniso? (3) Yini lesiyatiko ngaHenry Grew kanye naGeorge Storrs? (4) Ngutiphi tintfo letenteka emphilweni yaCharles Russell letakutsintsa kakhulu kuphila kwakhe? (5) UMzalwane Russell, babe wakhe, kanye nalabanye labebasondzelene nabo, bebalichuba njani liklasi lekutadisha liBhayibheli, futsi ngutiphi tiphetfo letisekelwe emiBhalweni labafinyelela kuto? (6) Lelicembu lelitadisha liBhayibheli, lahlangana njani nelicembu laNelson Barbour futsi yini leyabanga kutsi uMzalwane Russell aphume kulo? (7) Yini leyenteka nga-July 1879 leyasho kucala kwesikhatsi sekukhanya kwemiBhalo? (8) Ngemuva kwaloko, yini leyentiwa bafundzi beliBhayibheli labebandza kute bashumayele tindzaba letimnandzi? (9) Kusesele iminyaka ngembi kwekufika kwa-1914, yini Bafundzi BeliBhayibheli labebalindzele kutsi itakwenteka? (10) Ngutiphi tinsayeya labahlangabetana nato Bafundzi BeliBhayibheli ngemuva kwekushona kweMzalwane Russell? (11) Yini Bafundzi BeliBhayibheli labayenta ngemuva kwekutsi uMzalwane Rutherford nalabebakanye naye bakhululiwe ejele? (12) Kubukela kwakho le-DVD kuyikhulise njani indlela loyicondza ngayo inhlangano yaJehova, futsi kulujulise njani lutsandvo lwakho ngayo? (13) Le-DVD ikucinise njani kutimisela kwakho kutsi uchubeke nemsebenti wekushumayela nome kunetinsayeya? (14) Ungayisebentisa njani le-DVD kute usite tihlobo takho, lofundza nabo liBhayibheli kanye nalabanye?
Labo Bafundzi BeliBhayibheli basishiyela emafa eliBhayibheli laligugu. Kulelive lelisebumnyameni ngetimfundziso teliBhayibheli bebanesibindzi futsi baletsa kukhanya ngenshisekelo. Shengatsi singasilingisa sibonelo sabo futsi ‘sihambe njengebantfwana bekukhanya.’—Ef. 5:8.