“I-DVD Letsi ‘Jehovah’s Witnesses—Faith in Action, Part 2: Let the Light Shine’”
Ngemuva kwekutsi uMzalwane Rutherford nalasondzelene nabo bakhululiwe ejele nga-1919, umsebenti lomkhulu bewubamele Bafundzi beliBhayibheli. Njengobe kuvetiwe kule-video letsi “Jehovah’s Witnesses—Faith in Action, Part 2: Let the Light Shine”, Bafundzi beliBhayibheli bebatawuba nebaphikisi labanyenti, lwati lwabo ngemiBhalo belitawuchubeka lukhula futsi kukholwa kwabo kucwengwe. (Taga 4:18; Mal. 3:1-3; Joh. 15:20) Ngemuva kwekubukela le-video, sicela wetame kuphendvula lemibuto lelandzeleko.
(1) Ngutiphi tindlela letasetjentiswa Bafundzi beliBhayibheli kute basakate tindzaba letimnandzi? (2) Yini leyenteka emihlanganweni leyacopha umlandvo nga-1931 nanga-1935? (3) Yini lemcoka leyavetwa kuSicongosekulindza sa-November 1, 1939? (4) Chaza lokwenteka eMadison Square Garden ngesikhatsi uMzalwane Rutherford etfula inkhulumo letsi “Hulumende Nekuthula” (“Government and Peace.”) (5) Yini lephawulekako ngenkhulumo yeMzalwane Knorr letsi “Kuthula—Kutawutsatsa Sikhatsi Lesidze Yini?” (“Peace—Can It Last?”) (6) Yini leyentiwa boFakazi baJehova nga-1942 kute bandzise umsebenti wekushumayela? (7) Chaza lamanye emacala labekwa boFakazi kulamave lalandzelako: EMelika, Canada, naseGreece. (8) IGileyadi ibe lusito kanjani ekukhuleni kwemsebenti wekushumayela? (9) Ngumuphi umsebenti lobalulekile lowacala nga-1946, futsi kungani wacala? (10) Ngutiphi tinyatselo letatsatfwa BoFakazi baJehova kute kuphila kwabo kuvumelane netimiso teliBhayibheli? (11) Chaza letinye tingucuko letentiwa nga-1970 kute tinchubo tenhlangano tinamatsele kakhulu eBhayibhelini? (12) Kubukela le-DVD kukusite njani wacondza kutsi lenhlangano yaJehova nekutsi ilawulwa nguye? (13) Le-DVD ikucinise njani kutimisela kwakho kutsi uchubeke nemsebenti wekushumayela nome kunetinsayeya? (14) Ungayisebentisa njani le-video kute usite tihlobo takho, lotadisha nabo liBhayibheli nome labanye?
Kwendlula kwelilanga ngalinye kwengeta umlandvo waBoFakazi baJehova. Lomlandvo utawuvetani ngemetamo yetfu lesiyentako emsebentini wekushumayela? Shengatsi sonkhe singalingisa bazalwane betfu besikhatsi lesendlulile ngekutsi sichubeke sikhutsele kute ‘kukhanya kuvele ebumnyameni.’—2 Khor. 4:6.