Kufanele Yini Nawe Ushayise?

Nabasensimini, labanye bamemeteli bavame kushayisa ngesikhatsi lesitsite, mhlawumbe emini. Kuliciniso kutsi timo talabanye tingase tidzinge kutsi bashayise ngesikhatsi lesitsite. Loko kusho kutsi nawe kufanele ushayise ngobe lohamba nabo sebayashayisa yini nobe kungumkhuba wasendzaweni yakini kushayisa ngesikhatsi lesitsite? Ungachubeka yini usebente sikhashana nobe ushumayele etindzaweni tawonkhe wonkhe, ngenjekushumayela emgwacweni? Nasewuya ekhaya, ungabuyela yini kumuntfu munye nobe lababili loke wacoca nabo? Asewucabange ngalongakufeza nawungatfola umuntfu munye nje kulaba lobuyela kubo nobe ngekuhambisela umuntfu lotsite magazini. Nasingekho sidzingo sekutsi sishayise, kuchubeka sikhashana sishumayela kuyindlela yekwandzisa ‘umnikelo wekudvumisa.’—Heb. 13:15.