Khulumela Sinye Sihloko, Kodvwa Ubahambise Bobabili Labomagazini
Bomagazini betfu benyanga ngayinye banetihloko letehlukehlukene letijabulisako. Kunekutsi uzame kukhuluma ngetihloko letinyenti nawuhambisela umuntfu bomagazini, kuncono kusebentisa sinye. Nangabe sinakisisa futsi sikwati loko lokucuketfwe ngulabomagazini, singakhona kukhetsa sihloko ku-Sicongosekulindza nome ku-“Phaphama!” lesingajatjulelwa nguloyo lesicoca naye. Sibonelo saloko kutsi nasibona emathoyisi ebantfwana ekhaya lelitsite, singase sikhetse kugcamisa sihloko lesikhuluma ngekuphila kwemndeni. Nangabe nasinconcotsa kuchamuka indvodza, singase sikhetse kucoca ngesihloko emadvodza lamanyenti lanelilukululuku kuso, njengalesiphatselene nahulumende lokahle. Nanome singacoca ngasinye sihloko, ngalokuvamile kufanele lesicoca naye lobonakala atsandza simshiyele bobabili labomagazini.