Ukhona Yini Longammema?

Emabandleni lamanyenti kunebamemeteli labangakhoni kuya njalo ensimini ngenca yetinkinga temphilo nome kuguga. (2 Khor. 4:16) Ukhona yini losesimeni lesinjalo longammema uhambe naye nawuyochuba sifundvo seliBhayibheli? Nangabe lommemeteli angakhoni kuhamba, mhlawumbe ungaya ekhaya lakhe uyosichubela khona sifundvo sakho. Ungahlela yini kutsi ngaletinye tikhatsi utsatse ummemeteli lobutsakatsaka uhambe naye emsebentini wemuti ngemuti nome ubuyele naye kumuntfu munye nome babili loke wacoca nabo? Bamemeteli labanyenti lasebakhulile banalokuhlangenwe nako lokunyenti kwasensimini. Ngako-ke imetamo yakho ngeke ibe sikhutsato kubo nje kuphela, kodvwa nawe itakuzuzisa. (Rom. 1:12) Ngetulu kwaloko, Jehova utayibusisa imetamo yakho yekukhombisa bazalwane bakho lutsandvo ngalendlela.—Taga 19:17; 1 Joh. 3:17, 18.