Kutfutfukisa Emakhono Etfu Emsebentini Wekushumayela—Kucecesha Labasandza Kucala Kushumayela
Kubaluleke Ngani?: Bantfu labasandza kucala kuba balandzeli baJesu kufanele bafundze kugcina “konkhe” lakusho kona, lokufaka ekhatsi kufundzisa labanye liciniso. (Mat. 28:19, 20) Labanyenti babo sebavele babhalisile eSikolweni Semsebenti WemaKhristu futsi kungenteka sebake bashumayela bangakahleli emalungeni emindeni nobe kubangani. Kepha, njengobe lutsandvo lwabo ngaloko labakufundzako lukhula futsi sebati kutsi Jehova ufuna bonkhe bantfu bative tindzaba letimnandzi, bangase bavete sifiso labanaso sekuhlanganyela emsebentini wekushumayela. (Rom. 10:13, 14) Nasebabamemeteli labangakabhajatiswa, kuceceshwa lokukahle kutawubasita babe nesibindzi njengobe batsatsa lesinyatselo sekukhulisa buhlobo babo naNkulunkulu.—Luk. 6:40.
Yetama Loku Kulenyanga:
Hamba nemuntfu lofundza naye liBhayibheli losangummemeteli emsebentini wemuti nemuti, futsi ubuyele naye kulowake wacoca nabo nobe kulofundza nabo liBhayibheli. Nangabe kute lofundza naye liBhayibheli losangummemeteli, cela lomunye ummemeteli losandza kucala kushumayela kutsi ahambe nawe.