Basite Bangayekeli Kukhonta Jehova

Lokuhlangenwe nako kukhombisa kutsi labo labasandza kuba bamemeteli nangabe bafundziswe kutsi bawente ngekutimisela umsebenti wekushumayela, baba bamemeteli labaphumelelako. (Tag 22:6; Flp 3:16) Naku lokunye longakwenta kuze wente umfundzi awutsandze umsebenti ­wekushumayela:

• Ngekushesha nje nangabe umuntfu lofundza naye acala kuba ngummemeteli, mceceshe. (km 8/15 1) Mchazele kutsi kubaluleke ngani kwenta umsebenti wekushumayela njalo ngeliviki. (Flp 1:10) Wukhulumele kahle umsebenti wekushumayela. (Flp 4:8) Mkhutsate kutsi ahambe nembonisi welicembu ensimini kanye nalabanye bamemeteli kuze atotfola emakhono lamasha.​—Tag 1:5; km 10/12 6¶3

  

• Nangabe umuntfu lofundza naye asabhajatisiwe, chubeka umkhutsata futsi umcecesha, ikakhulukati nangabe asengekacedzi kufundza incwadzi letsi Elutsandvweni LwaNkulunkulu.​—km 12/13 7

  

• Sebentisa inshumayelo lemelula nangabe uhamba nemuntfu losandza kuba ngummemeteli ensimini. Nangabe naye sekacocile nemnikati welikhaya, mncome bese uyamsita lapho kudzingeka atfutfukise khona esikhatsini lesitako kuze abe ngummemeteli lophumelelako.​—km 5/10 7