Kutfutfukisa Emakhono Etfu Emsebentini Wekushumayela—Kuba Lusito Kulohamba Naye

Kubaluleke Ngani?: Jesu wakubona kubaluleka kwekuhamba nalotsite nawuyoshumayela. Nguloko lokwamenta kutsi nakatfuma bafundzi bakhe labangu-70 bayoshumayela, wabahambisa ngababili. (Luk. 10:1) Ummemeteli angasita loyo lahamba naye nakwenteka ahlangabetana netinkinga nome angaciniseki kutsi angamphendvula njani loyo lacoca naye. (Shu. 4:9, 10) Angamcocela lokuhlangenwenako kwakhe aphindze ngalesinye sikhatsi avete lokungasita loyo mmemeteli kutsi aphumelele kancono ekushumayeleni. (Taga 27:17) Angaphindze amkhutsate ngekucoca naye ngetintfo letakhako nabaphuma kulomunye umuti baya kulolandzelako.—Fil. 4:8.