Tinshumayelo Letisibonelo

Kucalisa Tifundvo TeliBhayibheli NgeMgcibelo Wekucala KuDecember

“Bantfu labanyenti bayawati umthantazo weNkhosi, futsi bayawuthantazela uMbuso waNkulunkulu kutsi ufike. Ucabanga kutsi loMbuso utawusizuzisa njani nasewufikile?” Lindzela imphendvulo. Mkhombise likhasi lelingemuva le-Sicongosekulindza saNovember-December bese nicoca ngemaphuzu langephansi kwembuto wesibili nalokungenani munye umbhalo kuleyo lekhonjiwe. Mnikete bomagazini, bese niyahlela kutsi uphindze ubuye.

Sicongosekulindza November-December

“Ngaletinye tikhatsi emajaji etinkantolo ayakhetsa nakehlulela. Ucabanga kutsi abengakwenta yini loku kube abelandzela umtsetfo waNkulunkulu? [Lindzela imphendvulo.] Asewunake kutsi liBhayibheli litsini. [Fundza 2 Tikhronike 19:6, 7.] Sihloko lesisekhasini 7 siyachaza kutsi bantfu bangazuza njani nangabe emajaji alandzela umtsetfo waNkulunkulu nakehlulela.”

Phaphama! December

“Sikuvakashele kafishane ngenca yekukhatsateka lokukhona ngenkinga yemphilo leseyandzile. Ngekusho kwenhlangano yetemphilo emhlabeni, inkinga yengcondvo, njengekucindzeteleka, itawuhlasela umuntfu munye kulabane esikhatsini sekuphila kwakhe. Ucabanga kutsi lenkinga seyandzile yini? [Lindzela imphendvulo.] LiBhayibheli lisiniketa litsemba lekutsi esikhatsini lesitako ngeke kusaba khona kugula nebuhlungu emhlabeni. [Fundza Sembulo 21:3, 4.] Lomagazini ukhuluma ngetintfo wonkhe umuntfu lokufanele atati mayelana nenkinga yengcondvo.”