Kutfutfukisa Emakhono Etfu Emsebentini Wekushumayela​—Kuba Nebantfu Lobahambisela Magazini Njalo

Kubaluleke Ngani?: Bantfu labanyenti labakutsandzako kufundza bomagazini betfu bete sifiso sekutsi sibachubele sifundvo seliBhayibheli. Kungenteka kutsi bayakujabulela kuba senkholweni labakuyo, nobe mhlawumbe bacabanga kutsi bete sikhatsi sekuchutjelwa sifundvo. Kodvwa-ke njengobe babafundza njalo bomagazini betfu, bangase balilangatelele liVi laNkulunkulu. (1 Phet. 2:2) Timo tabo tingase tishintje nobe sihloko lesitsite sibatsintse inhlitiyo. Nasiya kubo njalo futsi sicitsa sikhashana lesincane sinabo batawutiva bakhululekile nabanatsi futsi loko kungasisita kutsi sitati tintfo labatitsandzako kanye naletibakhatsatako. Ngekuhamba kwesikhatsi, kungase kucaliswe sifundvo seliBhayibheli.