“Hambisa Bomagazini Labadzala Nanobe Nguyiphi Incwajana Letawukhanga Bantfu”
Etinyangeni lesihambisa ngato incwadzi letsi Lokufundziswa LiBhayibheli futsi lesicalisa ngato tifundvo teliBhayibheli ekuhambeleni kwekucala, sikhutsatwa kutsi ‘sihambise bomagazini labadzala nanobe nguyiphi incwajana letawukhanga kubantfu’ ngasosonkhe sikhatsi nangabe umnikati welikhaya sekavele anayo lencwadzi futsi angasemukeli sifundvo seliBhayibheli. Kungani?
Tincwajana kanye nabomagazini labadzala tinetihloko letinyenti letifika ngesikhatsi. Lokunye lokukuletincwajana nabomagazini kungatsintsa inhlitiyo yemnikati welikhaya. Ngako-ke, nawupakisha sikhwama sasensimini, faka tincwajana letinyenti letindzala kanye nabomagazini. Nangabe ute labomagazini, mhlawumbe ungabatfola endzaweni yamagazini ebandleni. Nangabe umnikati welikhaya sekanayo incwadzi letsi Lokufundziswa LiBhayibheli futsi angasemukeli sifundvo seliBhayibheli, ungamkhombisa labanye balabomagazini nobe tincwajana bese ucela kutsi akhetse layitsandzako. Ngemuva kwaloko, hlela kubuyela kute uchubeke ucoca naye. Kungenteka agcine asemukele sifundvo seliBhayibheli.