“Lemiyalo . . . Kufanele Ibesetinhlitiyweni Tenu”
Batali banjengebelusi. Kufanele banakekele bantfwana babo, ngobe bangaphambuka melula futsi babe sengotini yekuhlaselwa. (Taga 27:23) Batali bangakwenta njani loko? Malanga onkhe, kufanele bacitse sikhatsi bacoca nebantfwana babo kuze batfole kutsi yini labayicabangako nekutsi yini lesetinhlitiyweni tabo. (Taga 20:5) Batali kufanele baphindze basebentise tintfo letingashi kute bacinise kukholwa kwebantfwana babo. (1 Khor. 3:10-15) I-video letsi “La Mazwi . . . Kumelwe Abe Senhliziyweni Yakho” igcizelela kubaluleka kwekuba nekukhonta kwemndeni njalo. Yibukeleni ekhaya ndzawonye bese nicoca ngalemibuto lelandzelako.
(1) Yini leyabangela umndeni wakaMngoma kutsi ungatinaki tintfo letiphatselene nebuhlobo bawo naNkulunkulu? (2) Yini leyabangela kutsi ungaphumeleli umetamo weMzalwane Mngoma wekutsi babe nekukhonta kwemndeni? (3) Nguyiphi indlela levetwa yimiBhalo lengenta kutsi uphumelele nawukhulisa bantfwana? (Dut. 6:6, 7) (4) Yini lengenta kutsi kube nekukhulumisana lokukahle emndenini? (5) Ngukuphi kutidzela bantfwana labalindzele kutsi batali babo bakukhombise? (6) UMzalwane naDzadze Banjwa bawusita njani umndeni wakaMngoma? (Taga 27:17) (7) Yini lokufanele yentiwe yinhloko yemndeni kusenesikhatsi kute kukhonta kwemndeni kuphumelele? (8) UMzalwane Mngoma wacala njani kulungisa tintfo emndenini wakhe? (9) Kungani kubalulekile kunamatsela eluhlelweni lwekukhonta kwemndeni? (Ef. 6:4) (10) Ngutiphi letinye tintfo letijabulisako letingetiwa ekukhonteni kwemndeni? (11) Ngesikhatsi asita Malusi kutsi abone kubaluleka kwekwenta lokulungile, uMzalwane Mngoma wakukhombisa njani kuba nemoya lophansi kodvwa abe angagucugucuki? (Jer. 17:9) (12) UMzalwane naDzadze Mngoma bamsita njani Rebheka kutsi ente sincumo lesikahle mayelana nebuhlobo bakhe naJustin? (Mak. 12:30; 2 Thim. 2:22) (13) UMzalwane naDzadze Mngoma bakutjengisa njani kukholwa nabashintja indlela lebebaphila ngayo? (Mat. 6:33) (14) Le-video itikhutsata njani tinhloko temindeni kutsi tinakekele imindeni yato etindzabeni letitsintsa buhlobo naNkulunkulu? (1 Thim. 5:8) (15) Yini lotimisele kuyenta njengobe uyinhloko yemndeni?
LOKUFANELE KUNAKWE TINHLOKO TEMINDENI: Ledrama yesikhatsi salamuhla yadlalwa emhlanganweni wesifundza wanga-2011. Ngaleso sikhatsi, wasibona yini sidzingo sekutfutfukisa kukhonta kwemndeni wakho? Nyalo-ke? Nangabe kusadzingeka utfutfukise kulendzaba, sicela uthantaze ngayo kute wente lushintjo lolutawuzuzisa umndeni wakho phakadze.—Ef. 5:15-17.