Sita Umndeni Wakho Uhlale Ukhumbula Jehova

Jeremiya waniketwa umsebenti wekwecwayisa emaJuda ngembhubhiso lebeyitawehlela ngobe besewamkhohliwe Jehova Nkulunkulu wabo. (Jer 13:25) Yini leyalimata buhlobo balesive naJehova? Imindeni yema-Israyeli beseyilahlekelwe buhlobo lobuhle naJehova. Kuyacaca kutsi tinhloko temindeni betingasasisebentisi seluleko saJehova lesikuDutheronomi 6:5-7.

Lamuhla, imindeni lenebuhlobo lobuhle naJehova yenta libandla licine. Tinhloko temindeni tingasita imindeni yato kutsi ihlale ikhumbula Jehova ngekuba neluhlelo lwekukhonta kwemndeni. (Hla 22:27) Ngemuva kwekubukela i-video letsi “Lemiyalo . . . Kufanele Ibesetinhlitiyweni Tenu”​—Tincociswano Nemndeni, buta nayi imibuto:

• Leminye imindeni itisingatse njani tinkinga lebhekana nato isebentisa kukhonta kwemndeni?

• Ngutiphi letinye tinzuzo tekuba nekukhonta kwemndeni lokulungiselelwe kahle njalo ngeliviki?

• Nakukhulunywa ngekukhonta kwemndeni, ngutiphi tinkinga lenginato, futsi ngitawuwatjela njani lamanye emalunga emndeni?