Singayisebentisa Njani Incwadzi Letsi “What Can the Bible Teach Us?”

Incwadzi letsi “Teach Us” kanye naletsi Lokufundziswa LiBhayibheli tiyefana. Omabili lamathuluzi etfu ekufundzisa endlulisela emaciniso lafanako ngendlela lefanako. Nanobe kunjalo lencwadzi letsi “Teach Us” isheshe icondzakale ngobe isebentisa emagama lamelula. Yentelwe labo labakutfola kumatima kucondza incwadzi letsi Lokufundziswa LiBhayibheli. Esikhundleni sesandzisanchazo lencwadzi letsi “Teach Us” inekwatiswa lokusekugcineni lokuchaza emagama latsite kanye netimfundziso letitsite letitfolakala kuleso sehluko. Letehluko tite imibuto leba sekucaleni nobe libhokisi lekubuketa. Kunaloko ekugcineni kwesehluko ngasinye kunebuketwa (summary) lokufishanisiwe kwemaciniso eliBhayibheli lachazwe kuleso sehluko. Njengencwadzi letsi Lokufundziswa LiBhayibheli, incwadzi letsi “Teach Us” nayo ingahanjiswa nome nini, ngisho nobe ingasiso sipho sangaleyo nyanga. Singatisebentisa njani letincenye talencwadzi nasichuba tifundvo teliBhayibheli?

KUBUKETWA: Bantfu labanyenti bayitfola ikahle indlela lesiyisebentisako nasichuba sifundvo, yekutsi sifundze sigaba encwadzini letsi Lokufundziswa LiBhayibheli bese sibuta umbuto. Asesitsi umfundzi akwalati kahle lolulwimi nobe akakhoni kufundza kahle. Kuleso simo, ungakhetsa kusebentisa incwadzi letsi “Teach Us.” Kubuketwa kwesehluko ungakusebentisa nawuchuba lesifundvo kungabese kukhutsata lomfundzi kutsi atifundzele tigaba ngesikhatsi sakhe. Incenye ngayinye yeliciniso leliBhayibheli ingatsatsa imizuzu lengu-15. Njengobe lokubuketwa kwesehluko kufushanisiwe, lochuba sifundvo kufanele alungiselele kahle futsi acabange ngetidzingo temfundzi. Nangabe lochuba sifundvo akhetsa kusebentisa indlela levamile yekuchuba sifundvo, lokubuketwa kwesehluko angakusebentisa kuze bacoce kafishane ngalabakufundzile.

KWATISWA LOKUSEKUGCINENI: Emagama kanye netimfundziso letitsite letikulokwatiswa lokusekugcineni tihlelwe ngekulandzelana kwetehluko. Lochuba sifundvo angancuma kutsi utawucoca ngekwatiswa lokusekugcineni yini nakachuba sifundvo.