Indlela Yekusebentisa Incwajana Letsi Bobani Labenta Intsandvo YaJehova Lamuhla?

Incwajana letsi Bobani Labenta Intsandvo YaJehova Lamuhla? yentelwe kutsi kucocwe ngayo nemfundzi ekucaleni kwesifundvo ngasinye nobe ekwephetseni.a Sehluko 1 kuya ku-4 senta umfundzi abati kahle BoFakazi BaJehova, sehluko 5 kuya ku-14 simsita afundze ngemisebenti leyentiwa BoFakazi, kantsi sehluko 15 kuya ku-28 senta umfundzi ayati kahle inhlangano yetfu. Kukuhlakanipha kufundza tehluko talencwajana ngekulandzelana kwato kodvwa ningagaluja nangabe kukhona umfundzi lafuna kusheshe akwati lokukulesinye sehluko. Sehluko ngasinye sisekhasini linye ngako-ke ningacoca ngaso imizuzu lengu-5 kuya kulengu-10.

• 

  Buta umbuto losihloko salesehluko

• Sifundzeni ndzawonye lesehluko, ningasifundza sonkhe nobe nifundze sigaba ngesigaba

• Cocani ngalenisandza kukufundza. Buta imibuto lesekugcineni kwelikhasi niphindze nicoce nangetitfombe. Fundza imibhalo lekhonjiwe bese nicoca ngayo. Khombisa umfundzi kutsi letihlokwana letibhalwe ngalokugcamile tiwuphendvula njani umbuto losesihlokweni

• Nangabe kunelibhokisi lelinesihloko lesitsi “Tfola Lokunyenti”, lifundzeni ndzawonye bese ukhutsata umfundzi kutsi akwente lokushiwo ngulelibhokisi