Indlela Yekusebentisa Incwajana Letsi Bobani Labenta Intsandvo YaJehova Lamuhla?
Incwajana Lensha Leyentelwe Kucondzisa Tifundvo TeliBhayibheli Enhlanganweni
1. Shano tizatfu letintsatfu letente kwentiwa incwajana letsi Intsandvo YaJehova?
1 Sewucalile yini kuyisebentisa lencwajana letsi Bobani Labenta Intsandvo YaJehova Lamuhla? Injongo yayo (1) kwenta bantfu lesifundza nabo liBhayibheli bajwayele boFakazi BaJehova, (2) kubasita bati ngemsebenti lesiwentako (3) nekubakhombisa indlela inhlangano yaJehova lesebenta ngayo. Incwajana letsi Intsandvo YaJehova inesifundvo sinye ekhasini ngalinye lokwenta kube melula kusifundza ngemizuzu lesihlanu kuya kulelishumi njalo ngemuva kwekumchubela sifundvo.
2. Chaza indlela lencwajana lehlelwe ngayo netincenye tayo.
2 Indlela Lehlelwe Ngayo: Yehlukaniswe yaba tincenye letintsatfu, incenye ngayinye ikhuluma ngalokwentekako enhlanganweni yaJehova njengobe kuvelile langenhla. Sihloko ngasinye saletifundvo letingu-28 singumbuto silandzelwa tihlokwana letigcamile letiphendvula lombuto. Kunetitfombe letitsetfwe emaveni langetulu kwa-50 letikhombisa umsebenti wetfu emhlabeni wonkhe. Tifundvo letinyenti tinelibhokisi lelitsi “Tfola Lokunyenti” lelinetintfo longakhutsata lomfundzelako kutsi atente.
3. Singayisebentisa njani incwajana letsi Intsandvo YaJehova?
3 Indlela Yekuyisebentisa: Cala ngekukhombisa lofundza naye umbuto losihloko. Ngemuva kwaloko, nanifundza gcizelela tihlokwana letibhalwe ngalokugcamile. Nasenicedzile, fundza imibuto yekubuketa lesekugcineni. Ungasifundza sonkhe sihloko nobe nisifundze kancane kancane. Tincumele kutsi ngumiphi imibhalo lekhonjiwe lotayifundza. Ungakhohlwa kukhuluma ngetitfombe nelibhokisi lelitsi “Tfola Lokunyenti.” Etikhatsini letinyenti, sifundvo kufanele sichutjwe ngekulandzelana kwetihloko. Nome kunjalo, tive ukhululekile kufundza sihloko lesitsandvwa ngumuntfu. Nasi sibonelo: Nangabe umhlangano lomkhulu usondzele, ningavele niyofundza sifundvo 11.
4. Yini lekwenta ujabule ngekuba nalelithuluzi lelisha?
4 Nasifundza nalotsite liBhayibheli, sisuke simsita kutsi ajwayelane naBabe wetfu losezulwini. Nome kunjalo, kusadzingeka simfundzise ngenhlangano yaJehova. (Taga 6:20) Sijabula kakhulu ngekuba nalelithuluzi lelisha lelenta kube melula kwenta loko.