Bemukele Ngenjabulo

Bobani laba lokufanele sibemukele ngenjabulo? Ngunobe ngubani lota emhlanganweni yetfu yebuKhristu kungaba ngulabacalako kuta nobe lasebanesikhatsi basivakashela. (Rom 15:7; Heb 13:2) Kungaba ngumKhristu lovakashile wakulelinye live nobe umKhristu losapholile lota kwekucala emhlanganweni ngemva kweminyaka. Cabanga kutsi ungativa kanjani kuleto timo. Angeke yini ukhombise injabulo ngekutsi ubemukele kahle? (Mat 7:12) Yenta imetamo yekutsi nawufika eHholeni LeMbuso ubingelele labanye ingakacali imihlangano nobe seyiphelile. Loku kwenta sibe nebungani nelutsandvo futsi kuletsa ludvumo kuJehova. (Mat 5:16) Kuliciniso kutsi angeke sikhulume nabo bonkhe labakhona. Nobe kunjalo, bonkhe batawutiva bemukelekile nangabe sonkhe sibavusela.a

Kutemukela kahle tivakashi asikwenti nje kuphela nasinemikhosi lebalulekile njengeSikhumbuto kodvwa sikwenta ngaso sonkhe sikhatsi. Nangabe labacalako kuta emihlanganweni yetfu babona kutsi sinelutsandvo, loko kungabenta bakhonte Nkulunkulu futsi bahlanganyele natsi ekukhonteni lokuhlantekile.​—Joh 13:35.