Yemukela Timenywa

Mhlaka 23 March kulindzeleke kutsi timenywa letingetulu kwetigidzi letingu-12 tibe khona eSikhumbutweni. Labatawube bakhona batawufundza ngesipho lesivela kuJehova lokuyinhlawulo kanye netibusiso tesikhatsi lesitako. (Isa 11: 6-9; 35:5, 6; 65:21-23; Joh 3:16) Kodvwa akusiso sikhulumi kuphela lesitawuniketa bufakazi kulomkhosi lobalulekile. Sonkhe singafakaza ngekutsi sitemukele ngemusa timenywa. (Rom 15:7) Naku lokunye lesingakwenta.

• Esikhundleni sekutsi uvele ufike utihlalele phansi ulindzele kucala kweSikhumbuto, bemukele ngebungani labamenyiwe nalabapholile futsi umoyitele

• Naka bantfu labamenyiwe ungagcini ngekunaka labamenye nguwe kuphela. Bacele bahlale nawe, nibukisane liBhayibheli kanye nengoma

• Nakuphela Sikhumbuto, tinikete sikhatsi sekuphendvula lokubuta imibuto. Nangabe sisincane sikhatsi ngenca yekutsi libandla lakini kufanele lisheshe lihambe kute kungene lelinye libandla, hlela kumvakashela ngemuva kwemalanga lambalwa. Nangabe ute imininingwane yakhe, ungase utsi: “Ucabangani ngalomkhosi? Ngingakutfola njani kute sichubeke sicoca?”