Kutfutfukisa Emakhono Etfu Emsebentini Wekushumayela​—Kucoca Nabo Bonkhe Bantfu Labasensimini Yetfu

KUBALULEKE NGANI? Zakhariya wabiketela kutsi bantfu labasuka kuto tonkhe tilwimi netive batawutilalela tindzaba letimnandzi. (Zak. 8:23) Kodvwa ngubani lotawubafundzisa? (Rom. 10:13-15) Sinelilungelo lekucoca nabo bonkhe bantfu labasensimini yetfu ngetindzaba letimnandzi.​—od-ZU 84 ¶10-11.

INDLELA YEKUKWENTA:

• Lungiselela. Uvamile yini kuhlangana nebantfu labakhuluma lolunye lulwimi? Ungayisebentisa i-JW Language app kuze ufundze inshumayelo lelula. Noma ungasebentisa lucingo lwakho kuze umkhombise kutsi angayitfolaphi leminye imininingwane lemayelana nelulwimi lwakhe ku-jw.org

• Hlale ukuphaphamele kucoca. Nangabe ushumayela emtini ngemuti, hlale ukulungele kufakaza kulabendlulako nobe labasetimotweni. Nangabe usemsebentini wawonkhewonkhe, hlale ukulungele kufakaza

• Timisele. Chubeka wetama kucoca nebantfu longakabatfoli emakhaya nawufika kwekucala. Timisele kucoca nalotsite kuyo yonkhe imiti longena kuyo, mhlawumbe ngetikhatsi nobe ngemalanga langefani. Labanye banikati bemakhaya kungadzingeka ubabhalele incwadzi, ubashayele, nobe ubashumayele etitaladini

• Buyela kulococe nabo. Buyela ngekushesha kunome ngubani lobekanesifiso sekufundza. Nangabe umuntfu lotsite akhuluma lolunye lulwimi, yetama kutfola ummemeteli lokhuluma lolo lwimi lotamsita. Ungayekeli kumvakashela lomuntfu kuze kube ngulapho kufika bamemeteli labakhuluma lulwimi lwakhe.​—od-ZU 94 ¶39-40

BUKELANI I-VIDEO LETSI PREACHING IN “THE MOST DISTANT PART OF THE EARTH,” BESE NIPHENDVULA LEMIBUTO LELANDZELAKO:

• 

  Yini labazalwane nabodzadze labayenta kuze bacoce nebantfu labasensimini lekhashane? (1Ko 9:22, 23)

• 

  Ngutiphi tinkinga lokwadzingeka batincobe?

• 

  Ngutiphi tibusiso labatijabulela?

• Ngumiphi imetamo longayenta kute ucoce nebantfu labanyenti ensimini yenu?