Lwela Kutfola Imfundvo Levela KuNkulunkulu

KUNGANI KUBALULEKILE: UmFundzisi loMkhulu Jehova, usiniketa imfundvo lesezingeni lelisetulu. Usifundzisa indlela lesingatfutfukisa ngayo kuphila kwetfu futsi asente sikulungele kuphila eveni lelisha ngaphandle kwekusibhadalila! (Isa 11:6-9; 30:20, 21; Sem 22:17) Ngemfundvo levela kuye, Jehova uyasisita kutsi sikhone kumemetela kubantfu umlayeto losindzisa kuphila.—2Ko 3:5.

INDLELA YEKUKWENTA:

• Lwela kuba ngumuntfu lotfobekile.—Hla 25:8, 9

• Kutsatse njengalokubalulekile kuceceshwa Jehova lasiniketa kona nyalo, njengekwemukela tabelo tasemhlanganweni wasekhatsi neliviki.

• Cabanga ngetindlela longatenta kute wente lokunyenti ekukhonteni Jehova bese uhlela kahle timo takho.—Flp 3:13

• Yenta imetamo kute ufanelekele kutfola kuceceshwa lokwengetiwe nakuvela litfuba.—Flp 3:8

BUKELA I-VIDEO LETSI TINYENTI TIBUSISO LOTITFOLA NGEKUFUNDZISWA NGUJEHOVA, BESE UPHENDVULA LEMIBUTO LELANDZELAKO:

• Ngubuphi bulukhuni labanye bamemeteli lababubeketelela kute baye Esikolweni Sebavangeli beMbuso?

• Ngukuphi kuceceshwa lokutfolakala Esikolweni Sebavangeli beMbuso?

• Emalunga elibandla abasite njani bamemeteli labaphotfulile nasebasetabelweni tabo letisha?

• Ngutiphi tintfo lokufanele utente kute ufanelekele kuya eSikolweni seBavangeli beMbuso? (kr 189)

• Ngukuphi lokunye kuceceshwa longakutfola enhlanganweni yaJehova?