Libaluleke Kakhulu Kanganani Kuwe LiVi LaNkulunkulu?

LiBhayibheli linemicabango kanye nemavi aJehova Nkulunkulu, loyo longuMbhali wencwadzi lengcwele. (2 Phet. 1:20, 21) Ngekugcizelela kungcweliswa kwebukhosi baNkulunkulu, lokutawentiwa nguMbuso wakhe, liBhayibheli lisuke liniketa bonkhe bantfu litsemba lekutsi sikhatsi lesincono kakhulu sisondzela ngekushesha. LiBhayibheli liphindze lisitjele nangebuntfu lobuhle baBabe wetfu losezulwini, Jehova.—Hla. 86:15.

Tizatfu letenta kutsi silitsatse njengalelibalulekile liVi laJehova atifani kumuntfu ngamunye. Kodvwa siyakhombisa yini kutsi libaluleke njengesipho lesiligugu, ngekutsi silifundze onkhe malanga siphindze sikusebentise ekuphileni kwetfu loko lesikufundzako? Shengatsi tento tetfu tingakhombisa kutsi sitiva njengemhlabeleli, lowatsi: “Maye, ngiyawutsandza umtsetfo wakho!” —Hla. 119:97.

BUKELA I-VIDEO LETSI BELIBALULEKILE LIBHAYIBHELI KUBO—INCENYE YA-WILLIAM TYNDALE, BESE NIPHENDVULA LEMIBUTO LELANDZELAKO:

• 

  Kungani William Tyndale ahumusha tincenye teliBhayibheli?

• Kungani imetamo yakhe yekuhumusha liBhayibheli imangalisa kakhulu?

• Emakhopi eliBhayibheli laTyndale, angeniswa njani eNgilandi ngetindlela letibhacile?

• Ngamunye wetfu angakhombisa njani kutsi libalulekile kuye liVi laNkulunkulu?