Sewukulungele Yini?

Yini loyentile kute ulungele kugadla kwesehlakalo semvelo endzaweni yangakini? Kutamatama kwemhlaba, tiphepho, imililo, sangcotfo nobe zamcolo kungafika nobe nini futsi kubange umonakalo lomkhulu. Ngetulu kwaloko, kuhlaselwa kwebantfu, kutoyitoya kanye netifo letingumshayabhuce kungahlasela nobe nini kungakalindzeleki. (Shu 9:11) Akukafaneli sititjele kutsi tintfo letinjengaleti ngeke tize tenteke endzaweni lesihlala kuyo.

Ngamunye wetfu kufanele atsatse tinyatselo letifanele kute alungele tehlakalo. (Tag 22:3) Ngisho nobe inhlangano yaJehova isiniketa lusito lolufanele nakwenteke tehlakalo, kodvwa loko akusho kutsi sekufanele singatilungiseleli.—Gal 6:5.

BUKELA I-VIDEO LETSI UKULUNGELE YINI KUFIKA KWETEHLAKALO TEMVELO? BESE NIPHENDVULA LEMIBUTO LELANDZELAKO:

• 

  Buhlobo betfu naJehova singabucinisa kanjani kute silungele tehlakalo?.

• 

  Kungani kubalulekile kutsi . . .

  • • uhlale uchumana nemadvodza lamadzala ngaphambi kwesehlakalo, lapho senteka nalapho sesentekile?

  • • ulungise bhaki wetehlakalo?—g17.5 6

  • • nicoce kabanti ngetinhlobonhlobo tetehlakalo letingahle tigadle endzaweni lohlala kuyo kanye naleningakwenta natigadla?

• 

  Ngutiphi tindlela letintsatfu lesingasita ngato labo labahlaselwe tehlakalo?